Versets bíblics populars de Ndeuteronomio̱ 30

Comparteix

Ndiꞌakꞌajmii̱ ko̱jo tꞌanangii̱ xí chistiko̱ nga ngotꞌe̱ tsꞌéntsjándièjnúꞌun nga chje̱ꞌéjinjnú ni xi mejénjnú, a kjo̱a̱mindyioo̱n, axa̱ kjo̱a̱bo̱yaa̱, a kjo̱a̱niꞌánchikonñeé, axa̱ ni xi ndajiín. An bi̱ xiánjnúꞌun nga jún, ko̱jo ndíjnú ta̱sá kjo̱a̱mindyioo̱n xi chje̱ꞌéjinjnú, kó ti̱ꞌantjójnú Néná ko̱jo nga ngatsjéni̱xtjin nga ko̱nda̱ꞌyáꞌénjnúu̱. Ngi̱ya ndsa̱jnú tikón tsi mejénjnú nga kjín nó ka̱majnú nga ku̱i̱ndyionjnú ki̱a̱ tꞌanangi xi Néná katsóyàtjoón nga tsja̱á Abraa̱n, ko̱jo Isaa̱, ko̱jo Jakoo̱b, kui xi xota̱ xi xchájnú.

Tsi tjójnú Néná, kó tsi si̱ꞌankjatjosónjnú kjo̱a̱botíxomaa̱, Néná sa̱ꞌínchikonñéjnú. Achichí kjín nó ka̱majnú ki̱a̱ na̱xi̱ńdá xi si̱ꞌankꞌasꞌienjnú, kó achichí kjín ndí kꞌuiéjnú.

Ngotꞌe̱ bí nga ka̱ma chje̱ꞌéjinjnú mí ni xi mejénjnú. A mejénjnú nga nda ku̱i̱ndyionjnú, axa̱ mejénjnú nga ndajín ku̱i̱ndyionjnú. Mí ni xi mejénjnú, a nga kꞌuiéjnú kjo̱a̱mindyioo̱n axa̱ kjo̱a̱bo̱yaa̱.

Ta̱sá nde niꞌínjín nga ngaskande ta̱ꞌyaní xi ka̱makjiín, kó jè tikónjii̱n takónjnú, kó jè tjiꞌá ndso̱ꞌbájnú. Ngayejejnú nga ka̱ma si̱ꞌankjójnú, ko̱jo nga ka̱ma ko̱ndókjo̱a̱jnú, ko̱jo nga ka̱ma si̱ꞌankjatjosónjnú.

Néná boá xi sa̱ꞌín nga xchi̱yàjnú nga ni xi ndajín si̱ꞌánjnú. Kósꞌe̱ jún ko̱jo xota̱ tji̱e̱jnú si̱ꞌantjójnú Néná, kó ko̱nda̱ꞌyáꞌénjnúu̱ ngayeje kjo̱a̱kjínkónjnú, ko̱jo ngayeje kjo̱a̱mindyionjnú, kó jmí tsi kjo̱a̱ꞌniú nga bo̱a̱ si̱ꞌánjnú. Kó bo̱a̱ tsꞌén nga kjín nó ka̱majnú nga ku̱i̱ndyionjnú nga̱sondie.

Tsi bo̱a̱ si̱ꞌánjnú, Néná achichí tsjá ka̱má nginií nga kꞌuijñájinjnú, kó kuí boá xi sa̱ꞌín nga nda ka̱ma ngayeje ni xi si̱ꞌánjnú. Achichí ndí xi̱ꞌin ko̱jo ndí xí ínchjín kꞌuiéjnú, kó kjín ka̱ma cho̱ xi ꞌbítji̱e̱ xi kꞌuiéjnú, ko̱jo tsie ni ka̱maxchájnú. Néná sa̱ꞌínchikonñé nginíjnú xikó katsꞌénjo̱ xota̱ xi xchájnú ngasꞌe̱.

Ta̱nga tsi ko̱nda̱ꞌyáꞌénjínjnú, kó tsi kje̱ꞌe ne si̱ꞌantsjàjnúu̱, mejénna nga xcha̱jnú nga ja̱koxi̱ boá nga kju̱i̱e̱sónjnú. Ka̱májín ki̱a̱ ku̱i̱ndyionjnú ki̱a̱ na̱xi̱ńdá xí ngotꞌe̱ si̱ꞌankꞌasꞌienjnú, kui xi tikón xi ingoboaá ndejèꞌ Jorndaa̱n.

Kui kjo̱a̱botíxomaa̱ niꞌínjín niꞌánkjatjosón, kó ta̱ꞌyaní xi ka̱maa̱ sa̱ꞌínkjatjosón.

Niꞌínjín kjiꞌi nga ka̱makjínjnú, ti̱nde chjiénjín nga tjín xí ka̱tso̱yà cha̱n cha̱njnú tsi̱ꞌe̱ nga si̱ꞌankjatjosónjnú.

Niꞌínjín kjiꞌi nga ka̱makjínjnú, ti̱nde chjiénjín nga tjín xí ka̱tso̱yà cha̱n cha̱njnú tsi̱ꞌe̱ nga si̱ꞌankjatjosónjnú.