Versets bíblics populars de Swàm Yann Aswamká 2

Comparteix

Bitrus dinya big rag, “Bu-à ná sa bàna, aning fim bu pyìrná, kó ni bidìm pár aku wau dìr batisma á zìnn Yesu Kristi jirà a Shìdun yafa ning bu pyìrná, í wà kwá ya ning Awunwá.

Mpìr káníng ri shwann kyann buká yann aswamká bu Yesu ri tàg big. Big ri ji kyann buju bu-à big ri kyab pànn barà Yesu wu sig níng. Big ri vig kyann Shìdun. I bu-à big ri sa kyann kó ákaun.

I byar-à hi Awun Shìdun bi kà á kyinnbá ni big bidìm pár. Big bi dang nu jírká káhi kim kim, nu jír-à big rì dang bab fig bàna. Big dang bar bu-à Awun Shìdun ya sig big abig dang.

Big ri shi, sái big rag abig fig níng, big fig nài gbam wàni, shi àràg í wàu zyun ngbam nímá ri gbár nì, wann bi mà wai, n gbar mònn lu-à big shi sig áni níng bidìm pár. Sái big myàng bu shi àràg anam pyìr bi, n yam gàb fim rìg á shinnbá ni bidìm. I byar-à hi Awun Shìdun bi kà á kyinnbá ni big bidìm pár. Big bi dang nu jírká káhi kim kim, nu jír-à big rì dang bab fig bàna. Big dang bar bu-à Awun Shìdun ya sig big abig dang.

Su ma su bidìm pár, big ri kwonn yag mà lu Shìdun. A lubá ni, big ri gàb fim buju-à big ri kyab pànn Yesu barà ku wu sig níng. Big ri ji buju ábìr-à ni ma pìkyinn àjwár. Big ri swam yan kyann Shìdun. Mpìrká ri zìm big. Su ma su Shìdun ri swàb kà ya big mpìrká ku zìg zu sig níng.

‘Shìdun rag, sai-à dunyaru ma nyàan vinn, kwá wìr wann bi ya mpìrká bidìm pár Awunwá má kà á kyinnbá ni. I byar-à yann wunùká bigná big yann uwàká bigná má dang jírwá. I byar-à yann sukàká bigná má myàng bu-à big myàng bab fig á dunyaru bàna. I byar-à àgbamká bigná má la la.

Mpìrká ká ri bàg Yesu big ri shi byar ńzyun. Big zìg kwonn buká big shi sig ma kàhi, big ri wann tafim, mi ri gàb fim ya kó ni bài-à bàkyinn barà kwá sa bu-à ku ri zìm.

I wà kó ni ma vig hing Shinn Luyí a wàníng myàng ashiwá, wàníng má zìg zu ku.’

Bá myàng àyúnn-à má kàng rìg fi. Bá myàng sònn-à má gbànn shi àràg àsà, í wà Shinn Luyí má bi, àyúnn-à níng hi í àyúnn-à ùwài.