Versets bíblics populars de Kalangan 37

Comparteix

Paglasiginbi PANGHŪꞋ ati kabuwanan kam ai-ai ya makasulut pangatayanbi.

Pama'andolunbi kahālanbi ni PANGHŪꞋ, pasangdolinbi iya, ati tahinang e'na ya amu'bi.

Pat'mmun kam ma alopan si Yawe, lagarinbi iya. Da'a kam asusa bang auntung saga a'a kasehe'an, bang tahinang kagara'an sigām ajahallis.

Angandol sadja kam ma PANGHŪꞋ-Yawe, hinangunbi kahāpan. Pat'nna' kam ma lahatbi porol, pat'nna' kam ma deyom kasannangan.

Bang kasulutan PANGHŪꞋ ma kaul-pi'il a'a, pinatotog e'na tekangna. Minsan iya makarugtul, mbal tabowa pahantak, sabab PANGHŪꞋ-Yawe ya amalutan tanganna.

Pinabukis he'na ka'adilanbi, sapantun sawa ya pabukis dai'-llaw, pinasaplag kabontol palkala'bi, sapantun sinag llaw bang augtu.

Da'a kam angastol! Da'a kam angamahit! Da'a papasu'un ataybi, tantu ala'at kat'kkahanna.

Min kaonde'-onde'ku sampay ni kato'aku itu, halam aniya' a'a abontol bay ta'nda'ku pinasagaran he' Tuhan. Halam isab ta'nda'ku anak a'a inān tabowa angamu' kinakan.

Da'a kahanggawinbi saga a'a jahulaka', da'a isab pangihirinbi saga a'a maghinang kala'atan!