Versets bíblics populars de Tito 1

Comparteix

Paykunam ninku: “Diostam reqsiniku” nispanku, ruwasqankuwanmi ichaqa Diosta neganku. Paykunaqa chiqnikuqmi, mana kasukuqmi hinaspa allin kaqkuna mana ruway munaqmi kachkanku.

Chuya sonqokunapaqqa tukuy ima kaqkunapas chuyam, qacha sonqoyuq hinaspa mana iñiqkunapaqmi ichaqa mana imapas chuyaqa kanchu, pay-kunapaqqa yuyaymanayninkupas, concienciankupas qanrachasqam kachkan.

Payqa cheqap yachachikuykuna chaskisqaman hapipakuqmi kanan, chaynapi wakinkunatapas cheqap kaqkunata yachachispa kallpanchananpaq hinaspa chay yachachikuypa contranpi rimaqkunatapas upalla-chinanpaq.

Iglesiapi nanachikuq ancianoqa Diospa mayordomon kasqanraykum kanan: Mana pipapas anyanan, mana hatun tukuq, mana piñakuq, upyaypi mana purikuq, mana piwanpas peleakuq, mana qollqella kuyaq. Payqa kanan: Wasinpi samaykachikuqmi, allin kaqkunata kuyaqmi, allin piensaqmi, allin arreglo ruwaqmi, Diosllapaqña sapaqchakuqmi hinaspa genionta controlakuqmi.

Ancianoqa mana pipapas anyananmi kanan, chullalla warmiyuq, churinkunapas Jesucristopi iñiqkuna, kasukuqkuna hinaspa mana pipapas acusananmi kananku.