Versets bíblics populars de 2~Corintios 6

Comparteix

Amayá kuskanchakuychikchu Señorpi mana iñiqkunawanqa, mana tupaqnintin yunta watarusqa hinam kawaqchik. Allin ruwaqqa manam kuskanchakunmanchu huchallapi puriqkunawanqa, nitaqmi achkiypas kuskanchakunmanchu tutayay-manqa.

Diospa templonwan idolokunapa templonqa manam kaqkamallaqa kanmanchu. Ñoqanchikqa kawsaq Diospa templonmi kanchik, kikin Diosmi nirqa: “Paykuna ukupim yachasaq, paykuna ukupim purisaq, paykunapa Diosninmi kasaq, paykunañataqmi llaqtay kanqaku”, nispa.

Señorqa nintaqmi: “Paykuna ukumantayá lloqsiychik, paykunamantayá sapaqchakuychik, amayá millakuypaq kaqkunataqa hapiychikchu. Hinaptinqa qamkunataqa chaskisqaykichikmi. Ñoqam qamkunapaq Taytaykichik kasaq, qamkunañataqmi churiykuna kankichik. Tukuy Atiyniyuq Señormi chaynata nin”.

Cristoqa manam diablowanqa hukllawakunmanchu, nitaqmi Diospi iñiqpas mana iñiqwanqa hukllawakunmanchu.