Versets bíblics populars de Mataos 24

Comparteix

Ebebe, lé óbul laŋle. Buobuo bʉr, bé óbir ó, kpɛl yé a di-di paʼra wɔɔ ɛ, yé tala. No ó waa ódihbe, to pyal é l'esie e, nyiha ó ngo bi tiʼ molu mo mpoʼ mɨmɛh.

Ebe no, Mbɨambɨa Lɔɔ lé etiibe e jwɨ̀ʼa mo Da ɛ, wé ólɛɔ gumo yiyɛh é si nwa, lé esa ó, bʉr o ndɨ abe oYʉden ɨ, bé joʼa bʉr lé eboʼlo lɔɔ waa. Pie tɨʼ ó esie e mbi jɔʼ yi, lé óka bɔma ɛ.»

Bɨn bé ójoʼo mɨlɔɔ é lɔb mɔm bé mu lé elwimla ɛ, ndwe é lɔb mɔm bé lé edɨ kaʼ ɛ. No ó, mʉr ayi twɨra, ebe, yé ókʉ be bɨna ga é nere-nere ó, bɨsɨa byaa taara syɛɛlɨ. Dam be no, ntʉʼ bɨsɨa byaa, byé ócemle esie e mbi jɔʼ yi.

Yiʼ kul bʉr, yé ólwimla e yʉʉ; nwaʼ njwɨɨ lwimla e nuu. Za ónyaŋla bɨgumo bɨgumo. Si óncyeŋa. Bɨsa biʼ bibyɛh, byé ótaare syɛɛlɨ. Tina, yé óbe ó etɛɛrɨ e mokpaa, nwɨɨla e mokpaa mo min.

Kʉ e si, byé ólaa; mɨlɔb myam myɛɛ, myé ódi njʉmdia e njʉmdia.»

ebe, buobuo bʉr, bé óze e die lam, lé elɛɛ-lɛɛ ó: “Mɛm ó di Lœma mulo mo Zyɛm!” Bé ógomlo bʉr é buobuo é bebebebe zi.

«É jɔʼ yaa ó bé ókɛha bɨn é mobo mo bʉr ofih, baa bé ótíile bɨn ɨ. Bé ójʉ bɨn bʉʉ bʉr. Bʉr o ndɨ abe oYʉden ɨ, bé ónwim bɨn é lɔb wam. No ó bɨsyɛɛla byam, byé ókol bʉr é buobuo ebɔʼ bé óbɨm é mɨleme, laa lé ódumo be e. Bʉr, bé ókɛha bʉr o sama yɔɔ. Bé ónwimla paʼra wɔɔ. Mɨmpʉmpʉl mɨ ogwiha o mɨlɔb, myé ópyal é buobuo le egomlo bʉr é buobuo é bebebebe zi.

No ó Yesʉs a lɛɛ e be ó: «Diʼe ga ncye! Bé amu jaa gomlo bɨn é bebebebe zi

Ebe no, diʼe ga é doʼlo. Mwan mo Mʉr amu pyal bɨn motwɨra, é l'ewala bɨn bé óbe, abuʼla nye e.»

Ebe no, diʼe ga nkehe, ebe, bɨn bé agʉa dobo Tî win óbula ze e.

«Sa gwar, mʉr, nye agʉa moho nkʉ ewala laa, dam be beengles é jobo kʉ, dam be Mwan mo Zyɛm. Njɨ Zyɛm Sɔŋ nye ome ó lé egʉa.

ebe, mɨmpʉmpʉl mɨlœma mɨ mulo mo Zyɛm, myé e mɨmpʉmpʉl mɨ ogwiha o mɨlɔb, myé óbuo. Bé ósa bɨbwaʼbwaʼ bɨdweʼle bɨ nkul wɔɔ ndwe e bɨsa bɨ jehe lé esaa egomlo mɨpɛha mɨ bʉr mye é bebebebe zi, ǃbé ókoʼo wa.

Mpʉ bɨsɔʼɔ byé a syɛɛlɨ é jɔʼ mo Noe e, jwɨʼ gwar e gwar yaa nteme ó ngo syɛɛ é dobo Mwan mo Mʉr óbula ze e. Byé enwɨɨla ó, é mbi wi: é jɔʼ mpɨɨ nɨnɨ a baapa ni ɨ, bʉr o jɔʼ yaa, bé a dɨ sa ó, de mode, le enyʉl monwoʼ. Bé a dɨ sa nteme ó, baʼ lé eba bʉba; bʉʉ lé ecenɔ mɨsile myɔɔ é moba, to pyal é dobo Noe a ni é byɛl tʉŋlʉ ɨ. Bé a baabuʼla ó, sɔʼɔ, yé ó e nkul esyɛɛlɨ no, to pyal é jɔʼ mpɨɨ nɨnɨ a bana sil bɨbɛh ɛ. Yé óbe nteme ó, jwɨʼ gwar e gwar yaa é dobo Mwan mo Mʉr óbula ze e.