Versets bíblics populars de Mataos 19

Comparteix

Yesʉs ze dwɛʼ be é tʉʉʉŋ, ntɔʼ lɛɛ e be ó: «Bʉr, bé ákwoʼ bi tiʼ molu mo mpoʼ mɨmɛh ebe syɛɛla yɔɔ bé bʉr o tɨ. Sa gwar, Zyɛm ó ndɨ e nkul ekoʼo bɨsa bibyɛh.»

Bé aka be oba, njɨ ngwar. Ebe no, adɛɛ ga sa Zyɛm, nyi nɛr ɨ.»

Nye ze dî e be ó: «Bɨn bé a baasi láa ó, é l'etɔɔrʉ, Zyɛm Kwihbʉr a cye be ó, nwaʼ, mʉrʉm; nuu, mʉma ɛ?» Nye ze bâʼle lɛɛ ó: «Ebe no ó mʉrʉm óliʼe sɔŋ e nyɔŋ, to nara e mʉma we e. Bɨbɛh oba, bé óbe ó nya e puno, sʉn ngwar.

Yesʉs nyɛɛ ze lɛɛ e be ó: «Birɨ ga bwɔɔncyom, bé ntaʼ boo me. Afu fo ga be, ebe, jwɨ̀ʼa mo Da, yé cyela ó, é l'efu e bʉr o ndɨ mpʉ be e.»

Sa gwar, buobuo bʉr o ndɨ “mofoʼ” e, bé óliʼ é pihe. Baa ndɨ “mopihe” e, bé ócyɛb é mofoʼ.»

Mʉr nyiwɛh ndɨ si liʼe mɨmbɛr mye, obɨɔ be, okɛl be, sɔŋ we, nyɔŋ we, bwan be, nkʉ bɨpeme bye é lɔb wam ɨ, nye óbula bi bye zɔʼ nter, bi nteme tiʼ molu mo mpoʼ mɨmɛh.

Yesʉs ze lɛɛ e nye ó: «Yé be ó, go egwɨm kumo é l'ombɨmbɨa é mɨpaʼ mimyɛh nɛʼɛ, toʼ, to bɛma bim bɨsa go ndɨ e bye e. Go à dwe baanteʼenteʼe o bʉr mɔn tɨ. É jɔʼ yaa ó go óbi okum e l'ogbaa twiha é lal mo Zyɛm ɨ. Pie tɨ, go òze du me.»

Yesʉs ze bɨha e nye ó: «Paʼ taare bɨha me tia nwa. Ebe yé go lé edî me tia é lɔb sa ndɨ é mbɨa ɛ? Njɨ mʉr ngwar ó di é mbɨa ɛ. Yé be ó, go egwɨm bi tiʼ molu mo mpoʼ mɨmɛh nɛʼɛ, duʼo motie.»

Me ebâʼle lɛɛ e bɨn ó nɛɛ: é mpʉ yé ndɨ é kɔbla ó, kamtʉl laŋa é l'egʉa e ndondo e, jwɨʼ gwar e gwar yaa nteme ó ndɨ é bul kɔbla ó, mbil bɨsa niʼe é jwɨ̀ʼa mo Zyɛm ɨ.»

Me elɛɛ bɨn ó nɛɛ: ǃɨ mʉr si buulo myɛl—nyɛɛ yɛɛ l'asa mɨfyɛba—ntɔʼ ba mʉma fih nɛʼɛ, nyi sa mɨfyɛba ó tɨʼ ɨ.»

Yesʉs ze lɛɛ e l'ompʉn be ó: «Me elɛɛ bɨn cyecye ó nɛɛ: yé é bul kɔbla lé eni é jwɨ̀ʼa mo Da é jɔʼ mʉr ndɨ e l'okum e l'ogbaa twiha ɛ!