Versets bíblics populars de Marc 9

Comparteix

Yésʉs, nye e né ó: «Guá lɛ́ɛ́ ó: “Gó bé e nkul nó”! Sâ gwár, mɛ̌m lɛ́ɛ́ ó, mʉr dí edyɛ̂ʼwo e Nzyɛ̌m nyá, nyě e nkul esâ sá yɨ́yɛ̂h.»

Tyé e tyé yaá, sɔ́ŋ mwân ntɔ̂ʼ lɛ́ɛ kʉ́kʉ́ ó: «Mɨ́ dyɛ̂ʼwo e Nzyɛ̌m! Sâ gwár, ntaá lɨ̌l búʼó yâm!»

Jɔ̌ʼ Yésʉs á búlǎ mbɛ̌r yɨ́, ompʉ́n bé nzě dî e né, bé mû bé omér ó: «Bɨ̌h bɨɛ, bɨ̂h bé akoʼo épɛʼ wé ɨ́ yé?» Nye ó: «Wɨ́nɨ̌ mbǐ sísǐm, wé jaá duho ó, njɨ ɨ́ nzɨ̌ minjɨʼla.»

«Ekpa, lé ó sá dí ɨ́ mbɨa yɨ́. Sâ gwár, ékpa bé akǎ jómo nó, yáǎ sɔ̂ʼ ngá báʼǎ sâ ó, lé bíʼee ejómo lé? Diʼee gá le ekpa ɨ́ menyʉ́l mɨ́n. Bɨ̌n a tíʼé gá ɨ́ mepyɛbla.»

«Mʉr nyɨnyɛ̂h ngá nʉǎ mbi mâ ntwǒm wɨ̂ʼ mbɨ̂mbɨá ɨ́ díé lâm nyá, nyě nʉá ó me mʉr tɨ̂. Mʉr nʉ́á mé nyá, nyé anʉa mé e me; nyě nʉá ntémé ó, mʉr á ntɨh me nyá.»

Nó ntémé, mʉr ngá dwe bɨ́n bélé médíbé ɨ́ lɔ̌b bɨ́n dí ɨ́ sɔ́má mé Mʉ̂r Nzyɛ̌m á lœm múló mé jwɨ́ɨ nyá, me lɨ́ elɛ́ɛ bɨ́n lɨ́ otyeetye ó, nye óbi myɛ́na mé.»

«Ɨ́ nkǒ páʼ bwán ó dí edyɛ̂ʼwo e me bá, mʉr nyɨnyɛ̂h ngá gbâ ébɔ̌ʼ lé óbɨma ngwár tɨ̂ʼ ɨ́ léme lɨ́ nyá, yé bá bě mbɨ̂mbɨá ɨ́ páʼ wé ó, bé tyéelaa nye nkǒʼ nɨ́nɨ́ɨ́ ɨ́ twíí, guho nyé ɨ́ mâŋ.

Yé bé díh lô ó dí etíne gó ó, go sâʼ syóm nó, pɛʼɛɛ lê. Yé mbɨa ɨ́ páʼ gô ó, go kúmaa ɨ́ kwár mé Nzyɛ̌m e dîh egwár, laa ó, go díʼee e míh mébá mô, tó guhɔɔ ɨ́ bɨ́ siʼe.