Versets bíblics populars de مَاتِيُ 24

Comparteix

حَلّٜىٰندٜ ٻٜيْدٛتٛ حَا يِدّٜ طُطْٻٜ اُسْتٛو؞ اَمَّا مُݧُطٛ حَا رٜعِرْدٜ اٛ حِسَيْ؞

ندٜنْ طُمْ وَعَجِنَيْ حَبَرُ بٜلْطُمْ دٛوْ لَامُ اَللَّه کٛو تٛيٜ ندٜرْ دُونِيَارُ، نغَمْ طُمْ وَرْتَ شٜيْدَ تٛ لٜپِّ فُو، ندٜنْ رٜعُکِ دُونِيَارُ کِنْ وَرَ؞

اٛنْ نَنَيْ حَبَرُ کٛنُوجِ غَطٜتٜىٰطِ حَادٜ مٛوطٛنْ، اٜ حَبَرُ کٛنُوجِ غَطٜتٜىٰطِ ٻَدَاکِ؞ تٛع اٛنْ کُلُ، نغَمْ دٛولٜ طُعُمْ وَطَ، اَمَّا رٜعُکِ دُونِيَارُ اٜ حٛرِي تَوْ؞

لٜݧٛلْ اُمَّنْتٛ لٜݧٛلْ، لَامُ اُمَّنْتٛ لَامُ؞ طُمْ وَطَيْ وٜىٰلٛ کَلُّنغٛ اٜ دِمْبٛلْ لٜيْدِ تٛ بِغٜىٰجٜ فٜىٰرٜ‑فٜىٰرٜ؞ اَمَّا طُعُمْ فُو طُمْ فُطّٛودٜ تٛرَّاجِ غَرَيْطِ؞

دٛوْ اٜ لٜيْ پَٻّٛتٛ، اَمَّا بٛلِيطٜ اَمْ پَٻَّتَاکٛ حَا اَبَدَا؞

يِمْٻٜ طُطْٻٜ نغَرٛيَيْ ٻٜ مبِعَ کَمْٻٜ نغٛنِ مِنْ، ٻٜ مبِعَ، ‏‹‏مِنْ وٛنِ اَلْمَسِيحُ،›‏ ٻٜ مَجِّنَ يِمْٻٜ طُطْٻٜ؞

‏«‏ندٜنْ ٻٜ نغَطَيْعٛنْ ندٜرْ جُوطٜ يِمْٻٜ تٛرَّيْٻٜعٛنْ، طُمْ وَرَعٛنْ؞ فُو لٜݧِ دُونِيَارُ نغَݧَيْعٛنْ نغَمْ اٛنْ تٛکُّٻٜيَمْ؞ اٜ شَرٜلْ نغٜلْ يِمْٻٜ طُطْٻٜ اَلَيْ حٛولَاکِيَمْ، اٜ ٻٜ نغُلّٛوتِرَ، اٜ ٻٜ نغَݧِندِرَ؞ اَنَّبٛعٜنْ فٜوْرٜ طُطْٻٜ اُمّٛيْتٛ، ٻٜ مَجِّنَ يِمْٻٜ طُطْٻٜ؞

سٜيْ يٜىٰسُ وِعِٻٜ، ‏«‏ڤَامٜىٰ تٛع غٛطّٛ مَجِّنَعٛنْ؞

نغَمْ نٛنْ، اٛنٛنْ مَا دٛولٜ نجٛوطٛوطٛنْ اٛنْ شِرْيِي نغَمْ اٜ شَرٜلْ نغٜلْ اٛنْ اَنْدَا ٻِي نٜطّٛ وَرَتَ؞

نجٛوطٜىٰ اٛنْ شِرْيِي، نغَمْ اٛنْ اَنْدَا شَرٜلْ کٛ جٛومِرَاوٛ مٛوطٛنْ وَرَتَ؞

‏«‏وَلَا اَنْدُطٛ ندٜنْ طٛنْ ݧَلْندٜ کٛو نغٜلْ طٛنْ شَرٜلْ نغٜلْ فِي طُمْ طٛنْ وَطَتَ؞ کٛو مَلَاعِکَعٜنْ وٛنْٻٜ دٛوْ اَنْدَا، کٛو ٻِطّٛ اٛنْ مَا اَنْدَا، سٜيْ ݧَاکٛ مٛ دٛوْ تَنْ اَنْدِ؞

نغَمْ اَلْمَسِيحُعٜنْ فٜوْرٜ اٜ اَنَّبٛعٜنْ فٜوْرٜ مبُرْتٛيْتٛ، ٻٜ نغَطَ اَلَامَاجِ مَوْطِ اٜ کُوطٜ کَيْطِنِيطٜ نغَمْ ٻٜ مَجِّنَ يِمْٻٜ، حَا اٜ شُٻَاٻٜ ٻٜنْ تٛ طُمْ وَطٛتٛ؞

نٛنْ نٛ طُمْ وَطِ اٜ جَامَنُ اَنَّبِ نُحُ، نٛنْ مَا وَرْتٛيْکِ ٻِي نٜطّٛ وَعَتَ؞ ندٜرْ بَلْطٜ کٛ ندِيَمْ تُفَانَ وَطَ، يِمْٻٜ اٜ ݧَامَ، اٜ نجَرَ، اٜ تٜعَ، اٜ تٜعٜىٰ، حَا شَرٜلْ کٛ اَنَّبِ نُحُ نَتِّ کٛمِوَلْ؞ ٻٜ ڤَامَايِ حَا ندِيَمْ تُفَانَ وَرِ حَلْکِٻٜ ٻٜ فُو؞ نٛنْ مَا وَرْتٛيْکِ ٻِي نٜطّٛ وَعَتَ؞