Versets bíblics populars de Abarooma 6

Comparteix

Olwohuba omusaara kw'esibi nikwo ohufwa; nae esiyaanwa sya Nasaae syebihaya nisyo obulamu butaakama alala neende Kristo Yesu Omwaami weefwe.

Esyonoono sisihoyere ohubatuka haandi, olwohuba simuli mu bunyala bw'amalako, nae muli mu bunyala bw'embabaasi cha Nasaae.

Sakira mani mu hubatiisibwa hweefwe, hwasiihwa neende Kristo, mani hwaakabana hu hufwa hwae hu hunyale ohusyuuha koti lu Kristo yasyuuha ohutula mu bafu hulw'amaani ka Laatang'ene maangi, mani ao fwesi hu hunyale ohumenya mu bulamu buyaaha.

Haandi mutakanyaanga ohuberesa esituundu syoosi sy'emibiri kyeeng'we eyiri esyonoono syasyehoonyera ohuhola ebichiiririrwa byasyo bibi. Ohutusaho, mweyaaneengeyo eyiri Nasaae, koti abo abamala ohutusibwa mu hufwa baaleetwa mu bulamu, haandi mweyaaneengeyo mweesi eyiri Nasaae, abehoonyere hulw'ebichiiririrwa biluungifu.

Humanyire huti, obulamu bweefwe buhale bwamala ohwiitirwa alala neende Kristo hu musalabba kwae, hu maani kakera omubiri nikuhola esyonoono kanyale ohusihiriswa, haandi hu huhaye ohukobola ohuba abawaambe b'esyonoono.

Mu ngeri nasilala, mwesi muhoyere ohwebaasaho koti abamala ohufwa hu bidiirana neende esyonoono, nae abalamu mu bulala neende Nasaae ohubitira mu Kristo Yesu.

Bulaanu hunaboole hutye? Huchiiririre ohumenya mu syonoono, hu mbabaasi cha Nasaae chinyale ohwemeeda? Haba daawe, kata nabudiidi! Hwamala ohufwa eyiri esyonoono, mani hunyala hutye ohuchiiririra ohusimenyamo?

Mubwadyeeri mumanyire muti, nimweyaanayo abeene ohuba abawaambe bawulira omuundu, muba muli abawaambe b'omuundu yi muwulira oba abawaambe b'esyonoono sileeta ohufwa, oba obuwulisi obukera mwaaba abaluungifu neende Nasaae.

Nae hweebase Nasaae! Olwohuba eng'we hale abali abawaambe b'esyonoono, mwawulira obwadyeeri buli mu njekesa yi mwanyoola, neende emyooyo kyeeng'we kyoosi. Mwaboololwa ohutula mu syonoono, mani mweehola abawaambe b'obuluungifu.