Versets bíblics populars de Juan 2

Comparteix

Jesús Galilea jap'iypi Caná llajtapi yakuta vinoman tukuchisqanqa ñawpaj kaj t'ukuna ruwasqan karqa. Ajinata Jesús may jina atiyniyoj kasqanta rejsicherqa, yachachisqankunataj paypi astawan atinikorqanku.

Jesustajrí kuticherqa: Mamáy, imaraykutaj chayta niwankiri? Pichus noqa kasqayta rejsichikunay p'unchay manaraj chayamunchu, nispa.

Jesustaj kamachikunata nerqa: Kay p'uñukunaman yakuta junt'arachiychej, nispa. Paykunataj junt'aracherqanku. Chantá Jesús nerqa: Kunanqa uj chhikata wiserqospa, mayordomoman llaminanpaj apaychej, nispa. Paykunataj aparqanku.

Jesustaj paykunata nerqa: Kay templota urmachiychej, noqataj kinsa p'unchayllapi watej sayarichisaj, nispa.

Jinapi Jesús lazomanta seq'onata ruwaspa, tukuyninkuta Temploj pationmanta wijch'orqa, jinallataj ovejakunata, wakakunatapis. Chhalajkunaj qolqenkutapis pampaman qhallirparispa, mesankuta tijrararqa. Urpikunata qhatojkunatataj nerqa: Tukuy chaykunata kaymanta orqhoychej. Tataypa wasintaqa ama qhatuna wasiman tukuchiychejchu, nispa.