Versets bíblics populars de Markus 10

Comparteix

Sabana nau Yaku, Ana nu Manusia, ledo nakava ratande ntona tapi ala mantulungi tona bo mombadekei karoKu rapatesi mantolo dosa ntodea.>>

I Yesus nangganoto ira bo nanguli, <<Ane aga pompakule nu manusia, ledo majadi. Tapi ane pompakule nu Alatala, pura-pura mamala majadi.>>

Pade nangulimo i Yesus, <<Panjilimo, nabelomo matamu sabana iko nomparasaya Yaku!>> Kaliu-liu nekitamo mata ntona haitu, bo nituntuninamo i Yesus riara mpolipaNa.

Sabana haitu, anu nipakasangu nu Alatala, ledo namala rapopogaa nu manusia!>>

Naasi mata i Yesus nangganoto tona haitu bo niuliNa, <<Sangupa vai paraluu mupovia. Koimo pobalu pura-pura kakalumanamu bo dekei alina haitu ka tona napakasi, ala mukava kakalumana ri suruga. Maupu haitu, oseakamo Yaku.>>

Nekutanamo i Yesus, <<Nuapa mupodota Kupovia ka iko?>> Nesana toburo haitu, <<Guru, yaku madota mekita!>>

Tapi ledo mamala ivesia nte komiu! Isema-sema komiu madota majadi pakenimiu, ia kana majadi topotulungimiu.

Pariaramo tesaKu hitu! Isema-sema ledo natundu nte Alatala nasimbayu mpo ngana kodi natundu nte totuana, ia ledo mamala majadi todea riara Poparenta nu Alatala.>>

Tapi nadea tona narikolu sii-sii kana majadi tona maripuri. Bo tona naripuri sii-sii kana majadi tona marikolu.>>

Tapi ri lamba pamulana tempo Alatala nompajadi dunia, Ia nompajadi manusia langgai bo mombine. Haitu sampe langgai kana mompalaisi tina tuamana bo matuvu mosanggani nte bereina, bo ira randua kana majadi saito. Jadi domo rareke randua, tapi saito.