Versets bíblics populars de Suro-Suro 2

Comparteix

Nesanamo i Petrus, “Kajeamo lako ri dosa-dosamiu, bo komiu kana radiu saito-saito, tandana komiu nomparasaya i Yesus Kristus, bo Alatala mombaampungi komiu bo mombadekei Nosa GasaNa ka komiu.

Topangoseaka i Yesus nabaru haitu natutu mpuu nangepe pepatuduki nu suro-suro, bo ira nasaro nasiromu nosanggani-nggani. Ira nasaro nangande nosanggani-nggani nombatubi roti mantora kamate i Yesus, bo nosambaya nosanggani-nggani.

Ira pura-pura nikuasai Nosa Gasa nu Alatala bo nompamulamo notesa ante mpengaya basa ntanina nisovadakara nangoseaka anu nidekei nu Nosa Gasa ka ira.

Sampesanika niepera moni lako ri langi eva vuu mpoiri narimboso. Moni haitu niepe ri umba-umba riara banua nikasiromura haitu. Bo nikitara eva vaya nu apu nolenje mpo dila nakamburaka nasindele ri umba-umba bo netuu nte ira saito-saito. Ira pura-pura nikuasai Nosa Gasa nu Alatala bo nompamulamo notesa ante mpengaya basa ntanina nisovadakara nangoseaka anu nidekei nu Nosa Gasa ka ira.

Eo-eo ira nasiromu ri doyata Banua nu Alatala. Ira notava-tava nasiromu ri banuara notubi-tubi roti nantora i Yesus, bo nangande nosanggani-nggani ante damba rarara bo ante liangu rara. Ira nasaro nombatoiya Alatala bo pura-pura todea ntanina nompodamba ira. Bo eo-eo nantambai kadea ntona nipakasalama nu Alatala.

‘Alatala notesa: Ri tempo napara kaupu nu dunia bara maipia, Kupopanau NosaKu ka pura-pura manusia. Ana-anamiu, langgai bo mombine, mompasimbayu tesaKu ka komiu. Kabilasa-kabilasamiu manggita anu Kupopakita ka ira. Bo totua-totuamiu mangipika anu Kupopangipika ira.

Pura-pura topomparasaya nosangu rara, bo nuapa-nuapa naria ante ira nipakera mpasanggani-nggani. Nasaro naria ira nompobalu kakalumanara bo mbara-mbarara, bo doina haitu nibagi-bagi ka ira pura nangoseaka anu niparaluura.

Bo isema-sema mekakai nte Tupu, ia kana rapakasalama.’ ” Yoel 2:28-32

Mata nu eo mabali majadi malanda, bula majadi mpo raa, dopame makava eo mbaso anu ledo ria kasimbayuna, haitumo Eo Tupu mombatangara manusia.