Versets bíblics populars de 2 Korintus 12

Comparteix

Tapi niuliNa ka yaku, “Nemo. Nipotoveku iko, bo haitu naganamo ka iko. Apa ane nalente iko, kuasaKu malanto mpuumo riara nggatuvumu.” Jadi, haitumo sampe yaku nadamba nangoe anu nompopakita kalenteku, apa ane yaku nalente, kuasa i Kristus nokarajaa riara ntaiku.

Jadi ane nalente yaku, nadamba yaku. Ane yaku rasalai, atau mapepa atau rapandasa, atau rapakasusa sabana yaku nangoseaka i Kristus, nadamba yaku. Apa ane nalente yaku, kuasa i Kristus mpuu-mpuu nompakaroso yaku.

Nau yaku madota mangoe karoku mboto, ledo aga tesa ntodoyo, ledo davaku, apa naria mpuu anu masipato kuoe. Tapi yaku ledo madota mangoe karoku mboto ala nee-nee yaku rabila ntona sabana anu nipopakita ka yaku. Aginamo ira mombabila yaku sabana anu nikitara riara nggatuvuku atau anu niepera lako ri tesaku. Tapi ledo mabelo ane malanga gaga raraku nantora pura-pura anu nipokumaaka nipopakita i Yesus ka yaku. Haitumo sabana nidekeiNa dua mompandasa yaku. Dua haitu nirapaka suro lako ri Magau nu Seta nompandasa yaku ala yaku ledo majadi masombo.