Versets bíblics populars de Римлилеге 14

Comparteix

Нек десегиз Аллахны Патчахлыгъы аш бла суусун тюйюлдю, алай а тюзлюклюлюк, жарашыулукъ эмда Сыйлы Нюрде къууанчды. Муну бла Масиххе ким къуллукъ эте эсе да, ол Аллахны ыразы этеди эм адамла къабыл кёрюрге тийишлиди.

Жашай эсек да, Раббий ючюн жашайбыз, ёле эсек, Раббий ючюн ёлебиз. Ол себепден, жашай эсек, неда ёле эсек да, хар заманда да Раббийнибиз.

Алай бла жарашыулукъ келтирген эм бир-бирибизни нюр бла кючлендириуге жарагъан затланы излейик.

Мындан арысында уа бир-бирибизни терслеуню къояйыкъ, андан эсе уа къарындашха тыйгъыч болмазгъа неда аны абындырлыкъ зат этмезге ойлашайыкъ.

Нек десегиз Китапда: «„Мен жашауум бла ант этеме“, дейди Раббий, „Мени аллымда хар тобукъ сеждагъа ийилликди эм хар тил да Мени Аллах болгъанымы айтып шагъатлыкъ этерикди“», – деп жазылгъанды. Алай бла, бизни хар бирибиз да Аллахха кеси ючюн жууап берликди.

Ийманы къарыусуз адамны фикирлени юсюнден даулашмай къабыл этигиз.

Кимсе сен, башханы къулун терслеген? Къулну ариулагъан да, терсге санагъан да кесини бийиди. Эмда къул тюз болуп чыгъарыкъды, нек десенг аны ариуларгъа Аллахны кючю барды.