Versets bíblics populars de Ишлери 2

Comparteix

Петер а алагъа: «Гюняхларыгъыз кечилир ючюн, тобагъа къайтышыгъыз эм хар биригиз Масих Иссаны аты бла сууда кёмюлдюрюлсюн, сора саугъагъа Сыйлы Нюрню алырсыз.

Ала, кеслерин тохтаусуз абустолланы юйретиулерине берип, къарындашлыкъ бирликде, ётмек сындырыуда эм тилек этиуде тура эдиле.

Ийнаннганланы барысы да Сыйлы Нюрден толдула эм Нюр алагъа айтыргъа берген башха-башха тилледе сёлешип башладыла.

Билмей тургъанлай, кёкден кючлю желни уруууна ушагъан таууш келип, ала тургъан юйню саулай толтурду; Сора от тиллеге ушагъан затла алагъа кёрюндюле; была, юлешинип, аланы хар бирине бирери тюшдю. Ийнаннганланы барысы да Сыйлы Нюрден толдула эм Нюр алагъа айтыргъа берген башха-башха тилледе сёлешип башладыла.

Хар кюн сайын бир ниетде табыныучу юйню арбазларында жыйыла эдиле, кеси юйлеринде да, ётмек сындырып, ашларын жарыкълыкъ бла эм таза жюреклилик бла ашай эдиле. Аллахха махтау сала, битеу халкъгъа кеслерин сюйдюре эдиле. Раббий да хар кюнден жангы къутхарылгъанланы жамауатха къоша эди.

„Ахыр кюнледе былай боллукъду дейди Аллах: Мен Нюрюмден битеу адамлагъа къуярыкъма, сизни уланларыгъыз да, къызларыгъыз да файгъамбарлыкъ этерикдиле, сизни жаш адамларыгъыз да кёрюнюуле кёрлюкдюле, къартларыгъыз да тюш кёрлюкдюле.

Ийнаннганла уа барысы да бирге эдиле эм хар нелерин да бир-бирлери бла юлеше эдиле. Мюлклерин эм болгъан затларын сатып, ахчасын барына да хар кимни кереклисине кёре юлеше эдиле.

Ол заманда Раббийни атын айтып тилек этген хар адам къутхарыллыкъды“ деп айтханыды.

Раббийни уллу эм махтаулу кюню келирден алгъа, кюн къарангыгъа, ай да къан бетине айланырыкъды.