Versets bíblics populars de I Петер 1

Comparteix

Бизни Раббийибиз Масих Иссаны Аллахына эм Атасына шукур болсун! Ол Кесини уллу мархаматы бла бизни жангыдан туудургъанды. Масих Иссаны ёлгенледен тиргизип, бизни керти ышаныугъа, Бузулмазлыкъ, айыпсыз, чиримезлик мюлк юлюшге жетдиргенди. Ол мюлк юлюш сизге кёкледе сакъланады.

Аны себепли энди тюрлю сыналыуладан бираз къыйналыргъа керек эсегиз да, къууаныгъыз. Алай бла сизни сыналгъан ийманыгъыз Масих Иссаны келлик заманында сизге махтау, хурмет эм уллулукъ тапдырыр. Ол ийманыгъыз от бла сыналгъан эсе да жоюлгъан алтындан да багъалыды.

Алай а, сизни чакъыргъан Сыйлыдан юлгю алып, кесигиз да хар ишигизде да сыйлы болугъуз; Нек десегиз Китапда: «Сыйлы болугъуз, нек десегиз Мен сыйлыма», – деп жазылгъанды.

Айтылгъанны этген сабийле кибик, билмей тургъан заманыгъызда сизде болгъан алгъыннгы тыйгъычсызлыкълагъа кёре этмегиз

Ол себепден, акъылыгъызны ишге хазыр тутуп, сагъайып туругъуз, Масих Иссаны келиую бла сизге бериллик шафауатха толу ышаныгъыз.

Нек десегиз «хар тюрлю чарх ханс кибикди, адамны хар тюрлю махтауу да хансда гюл кибикди. Ханс къуруйду, аны гюлю да агъады; Раббийни сёзю уа ёмюрде да турады». Ол сёз а бу сизге билдирилген Хайыр Хапарды.