Versets bíblics populars de SAN MARCOS 14

Comparteix

Aptahak axta apkelmaxnagko Jesús se'e: “Táta, apwanchek xép elának ekyókxoho aksok: ná egyána aksa añegkohok ko'o yakwánxa nak hetnehek, ekyetchesamaxkoho nak xama egheykok negya aksok ekmáskel'a; momenyék ko'o kalanaxchek ma'a sekmamenyého ahagko' nak, wánxa m'a apmopmenyého nak xép.”

Kólleyxmakha, nágkólnakten, kólteme nempeywa nelmaxnagko yakwayam enxoho megkahapwék kéxegke ekyekkónma, atsék eykhe kólmawho kóllának kéxegke m'a ekpayhawo nak anlana', kélyelkáxko eyke.

Ekyókxoho yókxexma kéltennágkaxa enxoho cha'a amya'a segwagkasamo nak teyp, kaxénaxchek sat nahan cha'a setnésesamakxa xa kelán'a nak, sat ektahakxa agkok megkólwagkayam xa ektaha nak. Nakso' xa sektahakxa nak sekpeywa seláneya kéxegke.

Aptahak axta apkeláneya s'e: —Eyeykhágwokmók ko'o selapwayam máxa entahak sétsapa enxoho. Kólhakha s'e. Nágkólnakten aksa, helwahánho sat matyenma.

Neyseksa aptéyak axta apmak Jesús pan, apmések axta ekxeyenma apwáxok Dios, keñe axta apyepta nepyeseksa, apkelmeyásegkek axta apkeltámeséyak. Aptahak axta apkeláneya s'e: —Kólma, kóltaw, keso sekyókxoho ko'o s'e.

Keñe axta apma anhan egheykok, apmések axta ekxeyenma apwáxok Dios, apkelmeyásegkek axta apkeltámeséyak, apyókxoho axta anhan apyenágkok. Aptahak axta apkeláneya s'e: —Keso éma ahagkok ko'o s'e ektaha nak ekteméseso ekmámnaksoho m'a ekhémo mók nelpakhetchásamáxkoho nak Dios, cháxa éma ekyegkenáxko nak yakwayam kapasmok apyókxoho énxet xa.

Aptahak axta apkeláneya Jesús apkeltámeséyak se'e: —Kélyókxoho sat kamaskok selakawo kéxegke, hakte temegkek eknaktáxésamaxche s'e: ‘Wakhek sat ko'o apkeláneykha nekkések, keñe sat yexpaknek ma'a nekkések.’

Nók, kólchaknekxa néten; keto' apwa'akxa m'a ektaha axta apkeltémo amaxchek ko'o.

Aptahak axta apchátegmowágko Jesús se'e: —Antanxo sat katnehek xép mexeyenma sekwesey keso axta'a nak, amonye ekteme ánet elpáwa tat'a. Nakso' xa sektahakxa nak sekpeywa seyáneya exchep.