Versets bíblics populars de LOS HECHOS 2

Comparteix

Aptahak axta Pedro apchátegmowágko s'e: —Kólyakmagkas kélwáxok, kóltegye yakpasama yegmen eñama nak Wese' egegkok Jesucristo apwesey, yakwayam enxoho meyakmagkásekxék Dios kéltémakxa nak megkólya'asáxma, keñe sat egkések kéxegke Dios Espíritu Santo.

Axta nahan elyenseykmok ektémakxa axta apkelxekmóso seykha amya'a xa apyókxoho nak, emlassakpohok axta nahan cha'a aksok apagkok ekyetnakxa enxoho, etnahagkohok axta nahan cha'a nempeywa nelmaxnagko, yaknekxohok axta nahan cha'a aptókagko enxoho aptéyak apteme nak melya'áseyam.

Kellánegkok axta apwáxók Espíritu Santo xa apyókxoho nak, mók ektémakxa apkelpeywa axta apkelpakmétak, ekhawo m'a ektahakxa axta apméso Espíritu Santo yakwánxa katnehek apyakmaga mók ektémakxa kélpeywa.

Pelakkasek axta eklegáxko éxtegyawa eñama m'a néten ektémol'a kaxtegyók exchahayam ekyennakte, kextegyókek axta m'a tegma aphágkaxa axta. Kelántekkek axta ekhó táxa elálewe étkok, máxa axta entahak eyálewe m'a ektémakxal'a kélaxkok, payhekxeyk axta anhan, hagwokmek axta apyetseksa'ák apyókxoho xa énxet'ák nak. Kellánegkok axta apwáxók Espíritu Santo xa apyókxoho nak, mók ektémakxa apkelpeywa axta apkelpakmétak, ekhawo m'a ektahakxa axta apméso Espíritu Santo yakwánxa katnehek apyakmaga mók ektémakxa kélpeywa.

Yaknekxohok axta cha'a kañe' tegma appagkanamap ekyókxoho ekhem, apxanák axta eyke cha'a etawagkok aptéyak, yaknekxohok axta nahan cha'a etawagkok yetlo elpayheykekxa apwáxók tén han yetlo megkaleymáxkoho apwáxók. Elteméseshok axta cha'a apcheymákpoho Dios xa apyókxoho nak, tásek axta cha'a katnehek apkelxénamap. Exámasagkohok axta cha'a Wese' egegkok yókxoho ekhem ma'a énxet'ák ektaha nak melya'áseyam, cham'a ektaha axta apkelwóneykha yakwayam elwagkasakpok teyp.

Aptahak Dios se'e: ‘Katnehek sat ekwokmo enxoho ekhem, agkések sat Espíritu ahagkok apyókxoho énxet'ák; eltennaha sat amya'a yakwánxa katnehek, kélketchek kéxegke, tén han ma'a kélketchek kelwán'ák nak, étak sat cha'a aksok kélxekmósamo wokma'ák, keñe sat kawanmaksek cha'a m'a apkelwányam nak.

Axta ekxeymákpohok cha'a m'a énxet'ák ektaha axta melya'áseyam, emlassakpohok axta nahan cha'a aksok apagkok. Selyakye axta nahan aptegyeykekxak ekyókxoho aksok apagkok, cham'a aksok apagkok ekyetnakxa enxoho, emlassakpohok axta nahan cha'a selyakye, cham'a ekyetnakxa enxoho eyéméxchexa aksok apagkok pók.

Apyókxoho énxet ektahakxa enxoho sewóneykha ko'o étak sat apkelwagkásamap teyp.’

Kapeysemekxak sat ma'a ekhem, keñe sat pelten etnekxak apyexwasé ektémol'a éma, amonye ekwayam ma'a Wese' egegkok ekhem apagkok, ekhem ekwányam sat ma'a, yetlo Wese' egegkok apcheymákpoho.