Versets bíblics populars de Valooma 13

Comparteix

Apeene lɨno, mu wʉʉmi wiinyo wooni, mulongotsiwaagwe nʉ Ntwa ʉYɨɨsʉ Kɨlɨsiti. Mulɨɨdɨkaga napadebe ʉkʉlongotsiwa nʉ vʉmuunu wa vʉtulanongwa.

Mulekage ʉkʉtsigilwa ɨkɨveetsaga nʉ muunu ʉvaveetsaga, peene muveetsage nʉ ntsigilo gwa kʉganana jyʉnyie kwa jyʉnyie. Manya ʉvɨ ikʉnʼgana ʉnnine iiva ivomba ndʉwʉ indagɨlo tsilagye.

Ʉmuunu nʉ muunu anogye ʉkʉvɨɨmɨka nʉ kʉvɨɨdɨkɨla avalongotsi va silikali. Mulʉmanye ʉkʉta, ʉvʉtavʉlɨlwa wooni wa veene wa kʉlongotsa, wihʉma kwa Ngʉlʉve, ikange vooni vavɨɨkilwe nʉ mwene.

Lɨno jɨvyʉta ɨkɨlo jisila, ikange kɨvyʉta ɨkɨgono ɨkɨpya kɨlɨ pa kʉtengʉla. Lɨno, tʉtsileke imbombo imbiivi itsʉ avaanu vivomba mu ngʼiisi, nʉ kʉtoola isilwɨlo sya lʉmuli.

Ʉmuunu ʉvikʉnʼgana ʉnnine, nikʉmbombela imbiivi. Pwʉ lɨno, ʉnsɨkɨ ʉmuunu ikʉvagana avaanu avange, iiva ivomba ndʉwʉ indagɨlo tsilagye.

Pwʉ lɨno, muvombage silya isyʉ avalongotsi vanogye ʉkʉvombelwa. Ikange ɨngave mutsigilwa ɨsongo, pwʉ musongage; ɨngave jyʉ songo jya kʉgʉtsa isiinu, najyene muhombage, ikange ɨngave kʉlɨ muunu ntʉnga va kwɨmɨkiwa, namwene mumwɨmɨkage.