Versets bíblics populars de Valooma 10

Comparteix

Ikange lɨlɨ piipi nʉʉve, manya ʉngatsove kʉ ndomo gwako jyʉve ʉkʉta, “ɄYɨɨsʉ vɨ Ntwa,” nʉ kwɨdɨka mu numbula jyako ʉkʉta ʉNgʉlʉve aantsʉʉsiitse, ʉNgʉlʉve ikʉkʉpoka ʉve.

Manya ʉmuunu ikwɨdɨka nɨ numbula jya mwene, pwʉ ivalɨlwa ʉkʉta inʼgolosu, ikange itsova nʉ ndomo gwa mwene jyʉmwene, pwʉ ipokwa.

Pwʉ lɨno, avaanu viiva nʉ lwɨdɨko vangapʉlɨke ikulongwi tsa Kɨlɨsiti, naveene vipʉlɨkaga ɨngave tsilʉmbɨlɨlwa.

Pa kulongwi jya mwene ʉKɨlɨsiti, ʉVʉvɨge ʉVʉvalatse wiita, “Ʉmuunu ʉvaveetsaga ʉvɨ ikʉmwɨdɨka nalasʉʉke lʉsiku.” Manya ʉNtwa nitengelela aVayahudi evo avatava Vayahudi. ɄNtwa ʉvɨ alɨ mpamato, vɨ Ntwa va vaanu vooni, ikange mwipa kʉ vaanu vooni avikʉnʼdoova. Aga galɨngʼiine nʉ Vʉvɨge ʉVʉvalatse ʉwiita, “Ʉmuunu ʉvaveetsaga ʉvidoova ʉvʉsyɨkɨlo wa mbiivi tsa mwene nʉ kʉlɨhʉʉvɨla ɨlitaawa lya Ntwa ʉNgʉlʉve, alapokwa.”

Naveene avaanu navakalʉte kulʉmbɨlɨla ikulongwi itso kɨtsila kʉsuungʼwa. Ndʉwʉ jɨvɨgilwe mu Vʉvɨge ʉVʉvalatse ʉkʉta, “Ʉvileeta ɨLivangɨli iiva ikʉvahovosa avaanu!”

Pwʉ ʉwajɨlweli wʉ ʉvʉ, avaanu naviweesi ʉkʉnʼdoova ɨngave navagelili ʉkʉmwɨdɨka. Ikange navakaweese ʉkʉmwɨdɨka ɨngave navagelili ʉkʉpʉlɨka ikulongwi tsa mwene. Ikange naviweesi ʉkʉpʉlɨka kɨtsila kʉlʉmbɨlɨlwa.

Lola, ʉKɨlɨsiti aakwɨtsiitse imbombo tsa ndagɨlo tsa Moose, pakʉta avaanu vooni avikʉmwɨdɨka vavalɨlwagwe ʉvʉgolosu.