Versets bíblics populars de Roma 7

Comparteix

Lipara si Isa Almasi Panghu' tabi, hangkan na aku magsukul ni Tuhan! Na iya na itu kasusahan ku: makaisbat aku sara' Tuhan min diyōm pikilan ku sadja, suga' tabo-bo aku magdusa uk kajarihan ku laatan itu.

Katauhan ku du, asal 'nsa' niya' hap ma diyōm baran ku, hati na ma diyōm kajarihan ku itu, sabab minsan niya' kabayaan ku ngahinang hap 'nsa' tahinang ku.

Iya kahapan kabayaan ku 'nsa' tahinang ku, suga' iya na peen tahinang ku kalaatan iya 'nsa' kabayaan ku.

Manjari bang aku ganta' ngahinang ayi-ayi iya 'nsa' me' ma kabayaan ku, hati na 'nsa' na peen min di baran ku iya manga hinang ian, tōōd aku tabo-bo uk dusa iya pabōtang ma diyōm kajarihan ku itu.

Salaitu iya langnganan na bang ma sayu ku. Bang aku ganta' baya' maghinang hap, niya' na peen laat mo-mo aku. Ma itikad ku sadja landu' aku kahōpan ma sara' Tuhan

Jari bang aku ganta' bansi ma hinang laat iya asal hinang ku, ngaho' du aku in sara' itu hap du.