Versets bíblics populars de Yahiya 21

Comparteix

Ubus peen uk sigam mangan, missala si Isa ni si Simun Petros. “Simun anak si Yahiya,” uk na, “lasa nu ni aku, labi le' baha' min manga sehe' nu itu?” “Aho' Panghu',” uk si Petros, “katauhan nu in aku lasa du ma kau.” Uk si Isa, “Na, ipatun manga bili-bili ku (hati na manga aa suku' ku).” Tiyaw si Isa pabing, uk na, “Simun anak si Yahiya, kalasahan nu aku baha'?” “Aho', Panghu',” uk na, “katauhan nu du in aku lasa du ma kau.” Uk si Isa, “Na, ipatun manga bili-bili ku.” Kamintallu na na paniyaw si Isa ma si Petros. “Simun anak si Yahiya,” uk na, “kalasahan nu aku baha'?” Susa na si Petros sabab pimintallu le' uk si Isa paniyaw na ma iya, iya uk na, “Lasa kau baha' ma aku.” Hangkan nambung si Petros ma si Isa, uk na, “Panghu', kasakupan nu kamemon. Katauhan nu in aku lasa du ma kau.” Uk si Isa ma iya, “Na, ipatun manga bili-bili ku.

Bannal iya pama' ku itu ma kau,” uk si Isa, “ma kaonde' nu le' bayi kau makasammekan di nu. Bayi kau mangngan paingga-paingga iya kabayaan nu. Suga' bang kau toa na pahannat nu du tangan nu bo' aa saddi iya ngingkōtan kau bo' kau biyo ni papahian 'nsa' kabayaan nu.”

“Na,” uk si Isa, “hugun bi pōkōt bi sakap min katau iyu bo' kaam makakallo'.” Hangkan hiyug uk sigam pōkōt hi'. Paghug itu magtuwi 'nsa' takowe' hella' uk sigam pariyata' ni diyōm bayanan, ma sabab kaheka daying na.

Na, halling si Simun Petros, uk na. “Pareyawut le' aku mōkōt.” “Me' kami,” uk kasehean hi'. Jari pariyata' sigam ni bayanan bo' pahi' ni deyawut, suga' 'nsa' niya' takallo' sigam sampay ni karayi'-llawan.