Versets bíblics populars de Piligu 17

Comparteix

Ibram ni daa ti paai yuun’ kɔbigayinika saha shɛli, ka Yawɛ daa ka o sanna ti yɛl’ o, “Mani n-nyɛ Naawuni Kpiɔŋlan’ Naa; doli ma, ka tummi din tuhi.

A mi yuli ku lan booni Ibram, amaa a yuli ni boonila Ibrahimma; dama n zaŋ a leela zuliya pam yaba.

“Ka n ni chɛ ka m min’ a ni a zuliya mali alikauli din ni ʒiɛya sahakam bɛ ʒiɛmana ni. Ka n ni nyɛ a min’ a zuliya maa Naawuni.

“N lo a alikauli, a ni niŋ zuliya pam yaba.

Amaa ka Naawuni daa yɛl’ o, “Aai, a paɣ’ Zara ni dɔɣi bidibiga ti a, ka a bol’ o yuli Yisahaku. Ka n ni lo a min’ o zuliya alikauli shɛli din ni be sahakam.

Ka n ni zaŋ Keenan tiŋgbɔŋ zaa din nyɛ yi ni be tiŋgban’ shɛli puuni n-nyɛ saamba ŋɔ n-ti a min’ a zuliya maa, ka yi su li sahakam, ka n nyɛ bɛ Naawuni.”

Ka Ibrahimma daa teei dɔni n-zaŋ o nina kpa tiŋa ka la ka yɛl’ o suhu ni, “Wula ka ninvuɣ’ so ŋun paai yuun’ kɔbiga ni tooi lan dɔɣi bia? Ka Zara ŋun paai yuun’ pihiwɛi ŋɔ ni tooi lan dɔɣi bia?”

Ka Naawuni daa yɛli Ibrahimma, “Zaŋ chaŋ a paɣ’ Zarai mi polo, di lan bol’ o Zarai, amaa pumpɔŋɔ zaŋ chana bolim’ o la Zara.

Gunimiya, ka di nyɛ m mini ya daalikauli maa shihirili.

Amaa n ni zaŋ n daalikauli n-lola Yisahaku so Zara ni yɛn dɔɣi ti a yuuni na ŋ-ŋɔ tasaha la.”

Gunimiya bidibiga kam o dɔɣibu nyaaŋa daba anii dali yi ʒiɛmana zaa ni; di yi nyɛla yi yiŋa ka yi dɔɣ’ o bee yi yi zaŋla yi liɣiri n-da o tinzun nir’ sanna, ka o pala yimaŋmaŋ’ zuliya. Di simdi ni a guni bɛ ni dɔɣi dab’ so a yiŋa min’ a ni zaŋ a liɣiri da so na zaa. Dina n-ni chɛ ka n daalikauli maa be yi niŋgbuna ni n-nyɛ alikauli din ni be sahakam.