Versets bíblics populars de GÉNESIS 21

Comparteix

Tatitux arsutaparux Sara warmir ist'asax phuqhänwa

Diosasti uka wawan jachatap ist'arakïna, ukatsti alaxpachatpach Diosan angelapax Agar warmir jawsasaw sarakïna: “Agar ¿kunas kamachtam? Jan axsaramti, Tatit Diosax wawaman jachatap ist'iwa. Saram, wawamar amparat wayxarum. Janiw jiwkaniti, jupat saraqirinakasti mä jach'a markaw tukuni” sasa.

ukat Sara warmix usur jaqiptxäna, Abrahamatakisti mä yuqall wawa wawachasïna kunapachatix Abrahamax wali chuymanïxän ukkha. Wawasti Diosan arsutaparjamaw pachapar yurïna.

Ukatsti Sara warmix sarakïnwa: “Diosaw nayarux larusiyitu, jichhasti taqi khitinakatix wawanïtax yatipkani ukanakaxa, nayampiw larusipxarakini.

Ukampis Tatitux Abraham chacharux sänwa: “Jan jumax uka wawatsa, uywatamatsa llakiskamti. Kuntix Sara warmimax mayktam ukanak phuqhaskakim, wawanakamasti Isaac tuqit sartani.

Uywataman wawaparusti, nayaw wawanakapatxa mä jach'a marka tukuyä, juman wawamarakïtap layku” sasa.