Versets bíblics populars de SAN JUAN 5

Comparteix

Cheqamanta, cheqamanta niykichej: Pichá parlasqayta allinta uyarin, kachamuwaj Tataytapis creen chayqa, wiñay kausayniyoj; manataj juicio p'unchaypi juchachasqachu kanqa, astawanqa wañuymanta kausayman yaykun.

Jesustaj sirisqata rikuspa, unayña chay onqoyniyoj kasqanta yachaspataj, taporqa: Munankichu thañikapuyta?, nispa.

Escriturasta allinta qhawaychej, imaraykuchus qankunamanqa rijch'asunkichej, Escriturasnejta wiñay kausayta tarinaykichej kasqanta. Chay Escriturastaj noqamanta willashanku. Qankuna kausayta tarinaykichejpajqa, noqaman jamuyta mana munankichejchu.

Jesustaj payman nerqa: Sayarikuy, puñunaykita oqhariytawan ripuy. Chay kikimpacha, chay runaqa thañikaporqa, puñunanta oqharispataj puriyta qallarerqa. Chaytaj samarina p'unchaypi karqa.

Chaypacha Jesús kutichispa nerqa: Cheqamanta, cheqamanta niykichej: Diospa Churenqa, sapallanmanta mana imatapis ruwayta atinchu. Astawanqa imatachus Dios Tatata ruwajta rikun, kikillantataj Chureqa ruwan.