Versets bíblics populars de HECHOS 9

Comparteix

Señortaj nerqa: Riy payman. Noqa ajllani payta kamachiy kanampaj, noqamantataj willanampaj waj llajtayoj runasman, reykunaman, ajinallatataj israelitasmampis.

Paytaj pampaman urmaspa parlamojta uyarerqa: Saulo, Saulo, imaraykutaj qhatiykachashawankiri? Saulotaj nerqa: Pitaj kanki, wiraqochi?, nispa. Parlamojtaj kuticherqa: Noqa kani Jesús, pitachus qan qhatiykachashanki chay. [Manamin allinchu qampajqa yunta jina aguijompa puntanta jayt'anaykeqa.

Chantá Ananiasqa wasiman yaykuspa, Sauloman makisninta churaykorqa, nerqataj: Hermano Saulo, Señor Jesús, pichus kayman jamushajtiyki ñampi rikhurisorqa, pay kikin kachamuwan watejmanta qhawarinaykipaj, Santo Espirituwantaj junt'asqa kanaykipaj. Chay kikimpachataj, Sauloj ñawisninmanta qherpas jina t'akakorqa, watejmantataj rikorqa. Jatarispataj bautizachikorqa.