Versets bíblics populars de Exode 20

Comparteix

«Man di sá a-Dindaan a-Nimbɔtiu un nyántìń-si kuyuŋun Eejipiti tiŋkinee. Á taa jāam̀ unimbɔti ubɔ kí kūtì man pu.

Á taa mɔ́ɔ́ diwaal diba kí nántíǹ tiba tin bí yilpuee àá tin bí kitiŋ pu taapu dooyee àá tin bí nnyimin kitiŋ taapuee. Ní taa gbàan̄ awaa gbanti nimbiin ní kaa nín jáam̀-ŋi. Di sá yii man di sá a-Dindaan a-Nimbɔtiu, Unimbɔti un cáá ipoompoonee. Ubɔ yaa ná-mee, m dátí udaan tafal ní kí dāá dáaĺ u-biyaamu mun tafal kí cáá sāā anaantitɔntɔkɔ ata kii anaa pu.

Á nīn tɔ́ a-baa nì a-na ní kí ŋmā kí kàl̄ kitiŋ kin ti-Dindaan Unimbɔti làá tīī-see poon kí yúntí.

Á nīn tɔ́ ŋwiŋŋuŋfikaa ŋú nīn sá circir wiiŋŋu ki tīī-si.

Á taa nín̄ yíì man a-Dindaan a-Nimbɔtiu yindi fám fám, kun puee man a-Dindaan kaa làá dūú pɔ̄ un ŋáań mimmee.

A cáá iwiin iluu kí tɔ̄ ditundi, kí ŋá tin kɔkɔ a cáá kí ŋée. Ama ŋwinluluúti dal sá ŋwiŋŋuŋfikaa ní, ŋwiin ŋun a dūu sú man a-Dindaan a-Nimbɔtiuee. Á taa tɔ̄ báà ditundi diba ŋwiin gbanti. Sii a-baaa, a-jipɔmbaaa, a-bisalibaaa, a-tɔntɔnliibi bininjab nì binimpoobaaa, a-waŋkutaaa, binicambi bin kóò a-pueeyaaa, ubɔ ń taa tɔ̄ ditundi.

Á taa nín̄ cáá a-juti diiku pu nnimbitaataam, kí taa nín̄ cáá a-juti nimpuu àá u-tɔntɔnliu uninja àá unimpu àá u-naau àá u-maŋki àá tin pée sá a-juti wantee pu nnimbitaataam.»

Á taa lēē inyimɔn seerau kí túń a-juti pu.

Á taa ŋá tilaakpaal.

Á taa kpɔ̀ unil.

Á taa yɔ̀.