Versets bíblics populars de Ephésiens 6

Comparteix

Kun puee an kaa sá ti làá jáǹ binib ní, an sá ti nì arasiniibi nì bi-bɔtiibi, nì bin kɔkɔ jīǹ abee dibɔmbɔndin, duulinyan dooyee, nì arasiniibi bin bí kutaa puee ní ti làá jáǹ.

Ní nīn mèémaan kí taa gbèen̄. Ní yàntī Circir Fam ń kpòotī-ni ni-wimmeem nì tin kɔkɔ ni bàlifēe poon. Ní fìntīmaan an bɔti pu, kí nīn mèémaan múlmul ki tìì Kriisitoo yab kɔkɔ.

Ní dū tijanjawan tin kɔkɔ Unimbɔti tììyee kí pèen̄ kí ŋmā kí sīĺ deedee ŋyunti ŋun Sitaan yaa yíkìń ni-pu nì u-kīiltamee.

An puee, fōōmaan tijanjawan tin kɔkɔ Unimbɔti tììyee, án nín làá ŋá pu ní an yaa láa píĺ ki pɔ́ɔkèe, ní ŋmā kí yūĺ kí já kí pɔ̄ɔkèe. Ni yaa jáń ki pɔ́ɔkèe, ní ní báań kí yūĺ.

Ni-fookiiu un ni cáá Unimbɔti puee ń nīn sá-ni digbampɔɔl ní dūú gbíntí Sitaan ukpiti piiŋyi in u tòoń i sá ŋŋmee. Ní fōō difiil dí nīn sá-ni kijanjafuulii ní cíkiń, kí yòom̄maan kitàataajiki kin Unimbɔti Fam tììyee mun, an dàkà yii Unimbɔti nyɔɔbundi.

An puee ní bɔ́ntí ni-ba kí dū ibaamɔn in sá-ni dambalee kí gbìn̄ ni-cammu, ni-deedeeu ń nīn sá-ni dijanjabɔkutil ní dūú pèen̄. Difaŋgiil din ni cáá ki sòoǹ Tibɔmɔntiil tin tìì binib ŋgbansɔŋfee ń nīn sá-ni anaataka ní táká.

Tibɔjoolkaal tin m làá dūú kàan̄-nee sèé: ní fōōmaan ti-Dindaan pɔŋkpaaŋŋu kí pɔ̄ɔkì.

Unimbɔti marau lī yii: «Á nīn tɔ́ a-baa nì a-na.» Úǹ di sá marapeepeekaa un pu Unimbɔti kútì dipoondee, yii: «Sii un yaa tɔ́ a-baa nì a-nee, a làá ká dipɔɔsɔŋkil ki làá kàl̄ kitiŋ pu kí yúntí.»

Mbiyaamu, ni nín sá ti-Dindaan yabee puee, ní nīn tɔ́ ni-baabi nì ni-nab, kun puee míǹ di ŋān̄.