Úǹ di sá tinyooldaan ki cáá tikɔkɔ, an puee ní m mèé-u án nín làá ŋá pu u-Fam ń tīī-ni mpɔn tikpil ni-pɔbiliŋinee. M gíti mèé-u yii Kriisitoo ń nīn bí ni-pɔbiliŋin, kun puee ni fōō ki kíí. M mèé-u yii ú yàntī ní nīn néeń tɔb kí báań inyaan, kí nīn yú ki pɔ̄ɔ̄, ní ni nì Unimbɔti yab kɔkɔ ń ŋmā kí ká mpɔn kí gbìl̄ Kriisitoo neendi nín lālim̀ ki gbí ilaan kɔkɔ puee. Nì min kɔkɔ u-neendi wīikí tikpil ki jítiǹ unil nín ŋūǹ kí gbìl̄ miŋyee, m mèé-u yii ú yàntī ní béé, án nín làá ŋá pu tin kɔkɔ bí Unimbɔtinee ń nīn bí ni mun nee.