Versets bíblics populars de Deutéronome 4

Comparteix

Ntimu gbanti poonee, ni làá dāá nyàab̀ ti-Dindaan ni-Nimbɔtiu. Ni yaa láa nyàab̄-u nì ni-pɔbiliŋ kɔkɔ nì ni-nammu kɔkɔee, ni làá dāá ká-u.

Di sá yii ti-Dindaan ni-Nimbɔtiu sá disaasɔl Nimbɔtiu ní. Waa làá dū-ni kí fá, kaa làá kpɔ̀ kí céetí-ni, kaa làá tí súntí dipoondi din u pūtì ki pōoǹ ni-baabee mun pu.

Kun puee ti-Dindaan ni-Nimbɔtiu sá ŋŋmi ŋun wù ki céetée ní. U sá Unimbɔti un cáá ipoompoonee ní.

Ama ní cúúmaan ni-ba, ní nīn nyíǹ ni-ba tiŋan kí taa súntí tin tin ni-nimbil kée. Ní yàntī tin ni kée ń nīn kā ni-pɔbilin ní nīn cáá-tì ki dàkà ni-biyaamu nì ni-naantiibi, ni-maŋfal wiiŋyi kɔkɔ poon.

Ní dàkafì tiŋan kí béé díǹ nee yii yilpu yilpu fɔ́ŋŋŋ nì kitiŋ taapuee, ti-Dindaan di sá Unimbɔti, Unimbɔti ubɔ kaa ti bí laaba.

Tiŋman, ditimbundi dilal, báà di yaa sá dikpaandi min min ní di-waaŋi pìl̄-dì kii ti-Dindaan ti-Nimbɔtiu nín pìl̄-ti ki ŋáań tikɔkɔ ki tìì-ti ŋyunti ŋun ní ti yaa kúuǹ ki yíiń-u na?

Ni-nimbinaamandi poonee, tin kɔkɔ m sòon̄ nee làá dāá bàń-ni, ní ní dāá fàtīí gítiń ti-Dindaan ni-Nimbɔtiu cee, ní kí nīn kíǹ ki tɔ́-u.

Ní taa gbéeǹ tiba nì tiba tibɔti tin man cáa kpáafí-ni nee pu, kí taa tí bàtī tiba mun ti-pu kí fá. Ní nīn ŋúb́ ti-Dindaan ni-Nimbɔtiu marab bin m cáa bíi kpáafí-ni nee.