Versets bíblics populars de Habakkuk 1

Comparteix

Ya tembal Apo Dios an inalinan ha"in di, “Tigonyu adya hanan abablubabluy hinan nunlene'woh hinan wadanyu, at manoh'a ayun mannig hinan ato' hi ad ugwan an ataguyu! Ya henen ato' ya ta"on unda ipa'innilan da'yu ya adiyu damdama kulugon.

Ya inali' di, “O Apo Dios, anaad ahan ta uya'a ya adi da'mi badangan? Ti ta"on ahan un'u ikiyol an mangali an nunheglay ato'atondan da'mi mu adi dami ahan baliwan? Ehwang ni' da'mi ta adi ami mapatoy!

Anaad anhan ta iyabulutmun titiggo' hatun nun'appuhin ma'ma'at ta omod unda agogohgoh nan tatagu? Ya bo'on hana ya anggay di titiggo' hi ma'ma'at ti bumahibahda goh, ya numpapattoy di udumnah nan tatagu, at hiyanan munhahannuda ya mumbobohholda!

At un mah mi'id di hulbin nan Uldin an adi ma'unud ti nan maphod an pamanuh ya adi mipa'annung? Ti paddungay inipit nan nun'appuhiy pangatdan tatagu nan makulug di pangatda, at hiyanan hunnionda nan maphod an pamanuh!”