Versets bíblics populars de Amos 2

Comparteix

Umat goh hituy hinapit Apo Dios ay ha"in hi aat nan i'Israel an inalinay, “Gun ayu goh numbahol an i'Israel, at hiyanan nunheglan moltao' da'yu an dumalat nan nidugah an bungot'u. Ti inihbutyu nan mid baholnan tatagun dumalat nan pamhodyuh pihhu, ya inihbutyu goh nan nun'awotwot an dumalat di inutangdah hapatus ay da'yu an adida pa'abbayad.

Umat goh hituy hinapit Apo Dios ay ha"in hi aat tu'un holag Judah: “Ta"on un da'yun holag Judah ya gun ayu goh numbahol, at hiyanan nunheglan moltao' da'yu an dumalat nan nidugah an bungot'u. Ti nabaliyan ayuh nan mundayaw hi bulul an umat hinan dinayaw din o'ommodyu ti unyuat goh din'ug nan tudtudu'.

At paddungnay pun'igatinyu nan nun'awotwot ti ibahhawyuy nahamad an pamanuhyun dida, ya bainonyu goh nan ngadan'u ti nan nunhin'aman da'yu ya munhinukkatdan mangeyelo' hinan himbutyun babai.