Versets bíblics populars de MATHAYO 19

Comparteix

Yiesû abacûûba. Abeera, “Kîrî muntû bûbu bûtiûmbîka, îndî gûtirî ûntû bûrema Ngai.”

T'antû baîrî mwanya kaîrî, batuîkaga muntû ûmwe. Kwoogu bara Ngai agwatithanîîtie, gûtikaagîte muntû abaathûrana.”

Yiesû abacookeria na kîûria abaûria, “Ka bûtaathooma bûra *Maandîko Maatheru maugîîte?” Abeera, “Maandîko Maatheru maugîîte, kîambîrîriani ûra aûmbire akîûmba, ‘Aûmbire antû barî muntû mûrûme na mûka. Kwoogu muntû mûrûme aumaga kwa îthe na gina akagwatana na mûka wake. Na barî baîrî bagatuîka mwîrî ûmwe’

Yiesû abeera, “Rekanaani na twana tûûye kîrî niû. Bûtigaatûgirie n'ûntû ûnene bwa îgûrû i bwa bara bakari ta twana tûtû.”

Baingî ba bara barî mbere bagaatuîka ba mûthia, bara barî mûthia batuîke ba mbere.”

Na muntû wonthe ûra atigîîte mûciî wake, kana aruagina, kana aaragina, kana îthe, kana gina, kana twana, kana mûnda n'ûntû bwakwa akoona wega maita îgana, na akoona mwoyo wa tene na tene.

Yiesû amwîra, “Weegua nûkwenda gûtuîka ûmwagîru kûrû, îthi wendie bira bionthe ûrî na bio ûgaîre nkîa mbia ira bikauma, rîru ûûye ûnthingate. Ûkarûtha ûgu ûkeegua ûrî na ûtonga îgûrû.”

Yiesû amûûria, “I kî n'ûntû ûkûmbûûria bûra bwega? Ûra mwega n'ûmwe. Weegua nûkwenda mwoyo wa tene na tene athîkagîra maathana ma Ngai.”

Na wabu ga nkûbwîra, i ûûthû nkamîîra gûkûrûkîîra karinyaani ga cindano kîrî gîtonga kûthi ûneneeni bwa Ngai.”

Na ga nkûbwîra, muntû ûra acookagia mûka n'ûntû bwa ûntû bûngî bûtarî ûthûngîîri akagûra mûka ûngî, ûyu i kûthûngîîra eegagua akîthûngîîra.”

Yiesû eera arutwa baake, “Na mma ga nkûbwîra, n'ata kûrî inya gîtonga kûthi ûneneeni bwa îgûrû.