Versets bíblics populars de Exodo 5

Comparteix

Insan di Moises tan Aaron linma rad ari na Egipto tan kuanda, “Say KATAWAN a Dios na Israel kuanto, ‘Abuloyan mo ya onlad kalawakan iray totook, pian makapansilibra ray pista a pamagalang dad siak.’”

Nanlapu lad samay insalitaan ta kad ari, pinapairap to met la ra. Et anggapoy ginawam a pangyagel ed sikara!”

Insan sinmingger lamet ed KATAWAN si Moises tan kuanto, “KATAWAN, akin et papairapen mo ray totoo? Akin et imbaki mo ak dia?

Inmebat so ari, “Siopa so KATAWAN? Akin et ondengel ak ed sikato tan abuloyan kon ontaynan iray Israelita? Ag ko kabat itan a KATAWAN, tan ag ko abuloyan ya ontaynan iray Israelita.”

Ag yo babawasan so gendat a bilang na saray laryon gagawaen da. Mangingiras ira, kanyan lawas dan kekerewen ya abuloyan ko ran mangibagat ed Dios da! Itdan yo ray ambebelat a kimey; ag yo ra pampapainawaen, pian anggapoy panaon dan ondengel ed saray salitan tila-tila.”