Versets bíblics populars de Gipadayag 5

Comparteix

Nag-awit sila ug bag-ong awit: “Takos ka sa pagkuha sa linukot nga basahon ug sa pagtangtang sa mga silyo niini. Kay gipatay ka ug pinaagi sa imong dugo gitubos mo ang katawhan alang sa Dios, gikan sa tanang banay, pinulongan, katawhan, ug kanasoran.

ug nag-awit sila sa makusog: “Ang Nating Karnero nga gipatay takos sa pagdawat sa gahom, sa bahandi, sa kaalam ug sa kusog, sa dungog, sa himaya ug sa pagdayeg!”

Gihimo mo silang gingharian sa mga pari aron mag-alagad sa atong Dios; ug maghari sila sa kalibotan.”

Ug nadungog ko ang tanang binuhat didto sa langit, dinhi sa yuta ug sa ilalom sa yuta ug sa dagat—ang tanang binuhat sa tibuok kalibotan—ug nag-awit sila nga nag-ingon: “Alang kaniya nga naglingkod sa trono ug alang sa Nating Karnero, ang pagdayeg, dungog, himaya ug gahom, hangtod sa kahangtoran!”

Unya usa sa mga pangulo miingon kanako, “Ayaw paghilak kay ang Liyon sa banay ni Juda, ang gamhanang kaliwat ni David, midaog ug makatangtang siya sa pito ka silyo ug makabukhad sa linukot nga basahon.”