Versets bíblics populars de Exodo 12

Comparteix

“Nianang gabhiona suroyon ko ang Ehipto ug pamatyon ang tanang panganayng anak sa tawo ug sa mananap. Silotan ko ang tanang diosdios sa Ehipto. Ako ang GINOO. Ang dugo maoy ilhanan sa mga balay nga inyong gipuy-an. Inigkakita ko sa dugo sayloan ko kamo ug walay kadaot nga moabot kaninyo inigkastigo ko sa Ehipto.

Kining adlawa mahimong halandumon alang kaninyo. Sauloga ninyo kini ug sa tanan ninyong kaliwatan aron pagpasidungog sa GINOO. Himoon kini ingon nga tulomanon sa tanang panahon.

Kon mangutana ang inyong mga anak sa kahulogan niining maong seremonyas, ingna sila nga mao kini ang halad-pahinungod sa Pagsaylo sa GINOO kay gisayloan man niya ang mga balay sa mga Israelita didto sa Ehipto ug ang mga Ehiptohanon ra ang gipamatay niya.” Nangluhod ang mga Israelita ug misimba sila sa GINOO.