Versets bíblics populars de PINADAYAG 8

Comparteix

Sa dihang giablihan sa Nating Karnero ang ikapitong silyo, dihay kahilom sa langit sulod sa mga tunga sa takna.

Ang unang anghel mipatingog sa iyang trumpeta, ug dihay ulan nga yelo ug kalayo, sinagolan ug dugo, nga nangahulog ngadto sa kalibotan, ug nasunog ang ikatulo nga bahin sa kalibotan, ug nasunog ang ikatulo nga bahin sa kakahoyan, ug nasunog ang tanang lunhaw nga sagbot.

Unya akong nakita ug nabati ang usa ka agila nga naglupad sa kinataliwad-an sa langit, nagsinggit sa kusog nga tingog nga nag-ingon, “Alaot, alaot, alaot ang mga nagpuyo sa kalibotan, inigtingog sa ubang mga trumpeta nga hapit na patingogon sa tulo ka anghel!”

Ang ikaduhang anghel mipatingog sa iyang trumpeta, ug dihay gilabay ngadto sa dagat nga sama sa usa ka dakong bukid nga nagdilaab sa kalayo

Ang ikatulong anghel mipatingog sa iyang trumpeta, ug natagak gikan sa langit ang usa ka dakong bituon nga nagdilaab daw sulo, ug nahulog kini diha sa ikatulo nga bahin sa mga suba ug diha sa tuboran sa mga tubig. Ang ngalan sa bituon gitawag ug Kapait. Ug ang ikatulo nga bahin sa mga tubig nahimong pait, ug daghan ang mga tawo nga nangamatay tungod sa tubig kay kini nahimo man nga pait.

Ang ikaupat nga anghel mipatingog sa iyang trumpeta, ug gihampak ang ikatulo nga bahin sa adlaw, ug ang ikatulo nga bahin sa Bulan, ug ang ikatulo nga bahin sa mga bituon, nga tungod niini mingiob ang ikatulo nga bahin sa ilang kahayag, ug wala na maghayag ang ikatulo nga bahin sa adlaw, ug ingon man ang ikatulo nga bahin sa gabii.