Versets bíblics populars de PINADAYAG 11

Comparteix

Unya ang ikapitong anghel mipatingog sa iyang trumpeta, ug sa langit dihay mga kusog nga tingog nga nag-ingon, “Ang gingharian sa kalibotan nahimong gingharian sa atong Ginoo ug sa iyang Cristo, ug siya maghari hangtod sa kahangtoran.”

Ang kanasoran nangasuko, apan miabot ang imong kapungot ug ang panahon alang sa paghukom sa mga patay ug alang sa pagpanghatag ug ganti ngadto sa imong mga sulugoon, ang mga propeta ug mga balaan, ug ang mga nahadlok sa imong ngalan, mga gagmay ug mga dagko, ug alang sa paglaglag sa mga tiglaglag sa yuta.”

Ug ang akong duha ka saksi nga nagsul-ob ug mga bisti nga sako, hatagan nako ug kagahom sa pagpropesiya sulod sa 1,260 ka adlaw.”

Apan human sa maong tulo ka adlaw ug tunga, usa ka gininhawa sa kinabuhi gikan sa Dios misulod kanila, ug sila nanindog ug ang mga nakakita kanila giabot ug dakong kalisang.

Sila may kagahom sa pagtak-op sa langit aron walay ulan nga moabot sulod sa mga adlaw sa ilang pagpropesiya, ug sila may kagahom ibabaw sa katubigan aron sa paghimo niini nga dugo, ug sa paghampak sa yuta pinaagi sa tanang katalagman, bisan makapila sumala sa buot nila.

Kini mao ang duha ka kahoyng olibo ug ang duha ka lamparahan nga nagbarog sa atubangan sa Ginoo sa kalibotan. Ug kon may buot modagmal kanila, adunay kalayo nga mogula sa ilang baba ug mohurot sa ilang mga kaaway. Kon may buot modagmal kanila, sa ingon niining paagiha siya patyon.