Versets bíblics populars de MGA PANULTIHON 26

Ayaw tubaga ang usa ka buangbuang sumala sa iyang binuang, kay tingali unya ug ikaw mahisama usab kaniya. Tubaga ang usa ka buangbuang sumala sa iyang binuang, kay tingali unya ug mahimo siyang maalamon sa iyang kaugalingong mga mata.

Sama sa usa ka iro nga mokaon sa iyang sinuka ang usa ka buangbuang nga mobalik sa iyang binuang.

Tungod sa kakulang sa kahoy ang kalayo mapalong; diin gani nga walay tabian, ang panag-away mahunong.

Siya nga nagkalot ug gahong mahulog ngadto niini, ug ang usa ka bato mobalik nganha kaniya nga nagpaligid niini.

Nakakita ba ikaw ug usa ka tawo nga maalamon sa iyang kaugalingong mga mata? Aduna pay paglaom ang buangbuang kay kaniya.

Siya nga mag-apil-apil sa away nga dili iya sama sa usa ka tawo nga nagdakop diha sa dalunggan sa usa ka iro nga milabay.