Versets bíblics populars de LUCAS 11

Comparteix

Busa, kon kamo, nga mga daotan, mahibalo man ganing mohatag ug mga maayong gasa ngadto sa inyong mga anak, dili ba labaw pa ang inyong langitnong Amahan nga mohatag sa Espiritu Santo ngadto sa mga nangayo kaniya?”

Ug ingnon ko kamo, Pangayo ug kini ihatag kaninyo, pangita ug kamo makakaplag, panuktok ug kini ablihan alang kaninyo.

Kay ang tanan nga mangayo makadawat, ug ang mangita makakaplag, ug alang kaniya nga manuktok ablihan.

Ug siya miingon kanila, “Sa inyong pag-ampo, ingnon ninyo: “Amahan, unta balaanon ang imong ngalan. Paanhia ang imong gingharian.

Ug pasayloa kami sa among mga sala, kay kami usab nagpasaylo man sa tanang nakautang kanamo, ug ayaw kami itugyan ngadto sa pagsulay.”

Ihatag kanamo sa matag adlaw ang adlaw-adlaw namong pagkaon.

Ang imong mata mao ang suga sa imong lawas, kon maayo ang imong mata ang tibuok nimong lawas puno sa kahayag; apan kon kini masakiton, ang imong lawas puno sa kangitngit.

“Walay tawo nga human makadagkot ug suga, magbutang niini sa tago o sa ilalom sa gantangan kondili sa ibabaw sa tungtonganan, aron ang mosulod makakita sa kahayag.