Versets bíblics populars de ISAIAS 41

ayaw kahadlok, kay ania ako uban kanimo, ayaw kabalaka, kay ako mao ang imong Dios; lig-onon ko ikaw ug tabangan ko ikaw, ituboy ko ikaw pinaagi sa akong madaogon nga tuong kamot.

Kay ako, ang GINOO nga imong Dios, mokupot sa imong tuong kamot; ako mao ang mag-ingon kanimo, “Ayaw kahadlok; ako motabang kanimo.”

Silang tanan nga nangasilag kanimo pakaulawan ug libogon; sila nga makigbisog batok kanimo mahimong daw wala, ug mangahanaw.

ikaw nga akong gikuha gikan sa kinatumyan sa yuta, ug gitawag gikan sa mga suok niini, nga nag-ingon kanimo, “Ikaw mao ang akong sulugoon, gipili ko ikaw ug wala ikaw isalikway”

Ikaw mangita niadtong nakigbisog batok kanimo, apan dili ikaw makakaplag kanila; kadtong nakiggubat batok kanimo mahimong daw wala.

Ayaw kahadlok, ikaw ulod nga Jacob, kamong mga tawo sa Israel! Ako motabang kanimo, miingon ang GINOO; ang imong Manunubos mao ang Balaan sa Israel.

Apan ikaw, Israel, akong sulugoon, si Jacob nga akong gipili, ang kaliwat ni Abraham nga akong higala

Ako mag-abli ug mga suba sa hawan nga mga bungtod, ug mga tinubdan sa taliwala sa mga walog; ang kamingawan himoon nako nga usa ka linaw sa tubig ug ang yuta nga uga, mga tubod sa tubig.

Sa diha nga ang kabos ug nanginahanglan mangita ug tubig, ug walay tubig, ug ang ilang dila maughan tungod sa kauhaw, ako, ang GINOO, magtubag kanila, ako, ang Dios sa Israel, dili motalikod kanila.

Kinsay nakabuhat ug nakahimo niini, nagtawag sa mga kaliwatan gikan sa sinugdan? Ako, ang GINOO, ang una, ug ako ang kataposan.

Sa kamingawan ako magbutang ug cedro, acacia, mirto, ug olibo; ibutang nako sa kamingawan ang sipre, ang olmos, ug ang aguho nga magtipon, aron ang mga tawo makakita ug makaila, mamalandong ug maghiusa sa pagsabot nga ang kamot sa GINOO maoy naghimo niini, ang Balaan sa Israel maoy nagbuhat niini.