Versets bíblics populars de ISAIAS 35

Ug ang mga linukat sa GINOO mobalik, ug moadto sa Zion uban ang pag-awit; ug ang kalipay nga walay kataposan anha sa ibabaw sa ilang mga ulo; sila makabaton sa kasadya ug kalipay ug ang kasubo ug panghupaw mangahanaw.

Lig-ona ang mga kamot nga luya, ug lig-ona ang mga tuhod nga huyang. Ingna sila nga adunay mahadlokon nga kasingkasing, “Pagmalig-on, ayaw kahadlok! Tan-awa, ang inyong Dios moanhi uban ang panimalos, uban ang pagbalos sa Dios. Siya moanhi ug magluwas kaninyo.”

Didto may usa ka lapad nga dalan, ug kini tawgon nga Balaang Dalan, ang hugaw dili moagi sa ibabaw niini, ug ang buangbuang dili mangasayop diha niini.

Unya ang mga mata sa mga buta mangabuka, ug ang mga dalunggan sa mga bungol makadungog

unya ang piang molukso sama sa lagsaw, ug ang dila sa amang mag-awit sa kalipay. Kay ang katubigan mogula diha sa kamingawan, ug ang kasapaan diha sa disyerto