Versets bíblics populars de GENESIS 37

Comparteix

Unya si Jose may usa ka damgo ug sa dihang gisugilon niya kini sa iyang mga igsoon, misamot pa hinuon ang ilang pagdumot kaniya.

Ug si Jose pinangga ni Israel labaw sa tanan niyang mga anak kay siya anak sa iyang pagkatigulang. Ug iyang gibuhatan siya ug usa ka taas nga bisti nga binuktonan.

Apan sa pagkakita sa iyang mga igsoon nga ang ilang amahan nagpangga kaniya labaw kay sa tanan niyang mga igsoon, sila nagdumot kaniya ug dili makasulti kaniya sa minaayo.

Unya nagdamgo na usab siya ug lain pang damgo ug gisugilon niya kini sa iyang mga igsoon, “Paminaw, nagdamgo ako ug lain na usab nga damgo. Nakita nako nga ang adlaw ug ang bulan ug ang napulo ug usa ka bituon nangyukbo kanako.”

Ug ang iyang mga igsoon nasina kaniya, apan kini nga pulong gitipigan sa iyang amahan diha sa iyang hunahuna.

Siya miingon kanila, “Pamatia ninyo kining damgo nga akong gidamgo. Nakita nako nga nagbugkos kita ug mga inani didto sa uma, ug ang akong binugkos mitindog ug mituy-od, ug ang inyong mga binugkos mialirong ug miyukbo sa akong binugkos.”

Mangadto kita ug patyon nato siya ug ihulog nato siya sa usa sa mga gahong ug ingnon lamang nato nga may usa ka bangis nga mananap nga mitukob kaniya ug tan-awon nato kon unsay dangatan sa iyang mga damgo.”

Unya may milabay nga mga tigpatigayon nga Medianhon ug gikuha ug gibitad nila si Jose gikan sa gahong ug ilang gibaligya si Jose ngadto sa mga Ismaelinhon, balig 20 ka buok plata. Ug ilang gidala si Jose ngadto sa Ehipto.

Sila miingon sa usa ug usa, “Ania, nagpadulong nganhi kining tigdamgo.

Apan nakita nila siya didto sa layo, ug sa wala pa siya moabot kanila, nagsabot sila batok kaniya aron pagpatay kaniya.

Ug miingon kanila si Ruben, “Ayaw pagpatulo ug dugo, ihulog siya niining gahong nga ania sa kamingawan apan ayaw siya pasipad-i.” Kini gisulti niya aron sa pagluwas kaniya gikan sa ilang mga kamot ug ikabalik sa iyang amahan.