Versets bíblics populars de EZEKIEL 33

Comparteix

Ingna sila, ‘Ingon nga ako buhi, nag-ingon ang Ginoong DIOS, ako walay kalipay sa kamatayon sa tawong daotan, apan nga unta motalikod ang daotan gikan sa iyang pamaagi ug mabuhi. Biya kamo, biya gikan sa inyong daotan nga mga pamaagi kay ngano man nga magpakamatay kamo, O balay sa Israel?’

“Busa ikaw, anak sa tawo, gibutang ko ikaw ingon nga usa ka tigbantay alang sa balay sa Israel. Sa diha nga makabati ikaw ug pulong gikan sa akong baba, ihatag kanila ang pasidaan gikan kanako.

Apan kon ikaw nakapasidaan sa tawong daotan sa pagbiya sa iyang pamaagi ug siya dili motalikod sa iyang pamaagi, siya mamatay gayod sa iyang kasal-anan, apan maluwas nimo ang imong kinabuhi.

Apan kon ang tigbantay makakita sa espada nga moabot ug dili patingogon ang trumpeta ug ang katawhan dili mapasidan-an ug ang espada moabot ug mokuha sa bisan kinsang tawo gikan sa taliwala nila, siya gikuha taliwala sa iyang kasal-anan, apan ang iyang dugo paninglon nako sa kamot sa tigbantay.

Siya nakadungog sa tingog sa trumpeta, ug wala manumbaling sa pasidaan, ang iyang dugo anha kaniya. Kay kon nanumbaling pa siya, maluwas unta niya ang iyang kinabuhi.