Versets bíblics populars de ECCLESIASTES 4

Ang duha maayo kay sa usa kay sila adunay maayong balos sa ilang buhat. Kay kon sila mangapukan, ang usa magbangon sa iyang kauban. Apan alaot kadtong nag-inusara sa diha nga siya mapukan, walay lain nga magbangon kaniya.

Ug bisan kon ang usa ka tawo mopatigbabaw batok niadtong nag-inusara, ang duha makasukol kaniya. Ang tulo ka lubid nga pisi dili daling mabugto.

Ug usab, kon ang duha magtipon sa paghigda, sila adunay kainit, apan unsaon sa nag-inusara pagkabaton ug kainit?

Maayo pa ang usa ka hakop nga kalinaw kay sa duha ka kamot nga puno sa paghago ug usa lamang ka paggukod sa hangin.

Unya nakita nako nga ang tanang paghago ug ang tanang kabatid diha sa buhat naggikan sa kasina sa tawo sa iyang isigkatawo. Kini kakawangan usab ug usa lamang ka paggukod sa hangin.

Maayo pa ang usa ka kabos ug maalamon nga batan-on kay sa usa ka tigulang ug buangbuang nga hari, nga dili na modawat ug tambag