Versets bíblics populars de DEUTERONOMIO 28

Comparteix

“Ug kon inyong tumanon ang tingog sa GINOO nga inyong Dios, nga magmatngon sa pagbuhat sa tanan niyang kasugoan nga gisugo nako kaninyo niining adlawa, ang GINOO nga inyong Dios magbutang kaninyo ibabaw sa tanang nasod sa yuta.

Ug kining tanang mga panalangin moabot kaninyo ug modangat kaninyo kon inyong tumanon ang tingog sa GINOO nga inyong Dios.

Ug ang GINOO maghimo kaninyo nga ulo ug dili ikog. Ug kamo maibabaw lamang ug dili mailalom kon kamo motuman sa mga sugo sa GINOO nga inyong Dios nga gisugo nako kaninyo niining adlawa, nga magmatngon sa pagbuhat niini

Buksan sa GINOO alang kaninyo ang iyang maayong tipiganan, ang kalangitan, aron sa paghatag ug ulan alang sa inyong yuta sa panahon niini ug aron sa pagpanalangin sa tanang buhat sa inyong mga kamot, ug magpahulam kamo ngadto sa daghang mga nasod apan dili kamo manghulam.

“Ang GINOO maghimo nga ang inyong mga kaaway nga moalsa batok kaninyo mabuntog diha sa inyong atubangan. Manggula sila batok kaninyo sa usa ka dalan, ug sa pito ka dalan mokagiw sila gikan kaninyo.

Ipadala sa GINOO ang panalangin nganha kaninyo, sa inyong mga kamalig ug sa tanan nga inyong buhaton ug siya magpanalangin kaninyo didto sa yuta nga gihatag kaninyo sa GINOO nga inyong Dios.

Mabulahan kamo sa dihang mosulod kamo ug mabulahan kamo sa dihang mogula kamo.

Mabulahan kamo didto sa lungsod ug mabulahan kamo sa inyong kaumahan.

Mabulahan ang bunga sa inyong lawas ug ang bunga sa inyong yuta ug ang bunga sa inyong mga mananap, ang tubo sa inyong mga baka ug ang mga nati sa inyong panon sa karnero.

Ang GINOO magtukod kaninyo ingon nga katawhan nga balaan alang sa iyang kaugalingon sumala sa gipanumpa niya kaninyo kon tumanon ninyo ang mga sugo sa GINOO nga inyong Dios ug maglakaw kamo diha sa iyang mga dalan.

Mabulahan ang inyong bukag ug ang inyong masahanan.

Ug ang GINOO magpadagaya kaninyo diha sa kauswagan, sa bunga sa inyong lawas, sa bunga sa inyong kahayopan, sa mga bunga sa inyong yuta, sa yuta nga gipanumpa sa GINOO ngadto sa inyong katigulangan nga ihatag niya kaninyo.

Ug ang tanang mga katawhan sa kalibotan makakita nga kamo gitawag pinaagi sa ngalan sa GINOO, ug sila mangahadlok kaninyo.

ug kon dili kamo motipas gikan sa bisan unsa sa mga pulong nga gisugo nako kaninyo niining adlawa, ngadto sa tuo o sa wala, aron sa pagsunod sa laing mga dios sa pag-alagad kanila.

“Apan kon kamo dili motuman sa tingog sa GINOO nga inyong Dios o magbantay sa pagbuhat sa tanan niyang mga sugo ug sa iyang mga lagda nga akong gisugo kaninyo niining adlawa, kining tanang tunglo moabot kaninyo ug modangat kaninyo.