Versets bíblics populars de DEUTERONOMIO 10

Comparteix

“Ug karon, Israel, unsa ang gikinahanglan kanimo sa GINOO nga imong Dios kondili ang pagkahadlok sa GINOO nga imong Dios, ang paglakaw diha sa tanan niyang mga dalan, ug ang paghigugma kaniya, ug ang pag-alagad sa GINOO nga imong Dios sa tibuok nimong kasingkasing ug sa tibuok nimong kalag, ang pagtuman sa mga sugo sa GINOO ug sa iyang mga lagda nga akong gisugo kanimo niining adlawa alang sa imong kaayohan?

Kay ang GINOO nga inyong Dios, Dios sa mga dios, ug Ginoo sa mga ginoo, ang dako, gamhanan ug makalilisang nga Dios nga walay pinalabi ug dili usab modawat ug suborno.

Busa putlia ninyo ang inyong mga kasingkasing ug ayaw na kamo pagpagahi.

Siya nagbuhat ug matarong alang sa mga ilo ug sa biyuda ug nahigugma sa dumuduong, naghatag kaniya ug pagkaon ug bisti.

Siya mao ang inyong pagdayeg ug siya mao ang inyong Dios nga nagbuhat alang kaninyo niining dagko ug makalilisang nga mga butang nga nakita sa inyong mga mata.

Kahadloki ninyo ang GINOO nga inyong Dios. Alagari siya ug pakighiusa kaniya ug panumpa pinaagi sa iyang ngalan.

Tan-awa, ngadto sa GINOO nga imong Dios iya ang langit ug ang langit sa mga langit, ang yuta uban ang tanan nga anaa niini.

Busa higugmaa ninyo ang dumuduong kay kamo mga dumuduong didto sa yuta sa Ehipto.