Versets bíblics populars de Luka 9

Comparteix

Gikenyo Yesu owaco rijo ni, “Ka moro mito luwan, go won kutho ripo kwerere kende, wotiŋ musalaba pere kisi ndelo, aka woluwan.

Ato ŋata won omiti botho kwo pere bino rwenyo woko; to ŋat'orweny kwo pere ran bino botho kwo no.

Yesu owaco rigo ni, “Dhano je ma furo gi kwer dhok aka kethere ŋiyo cen meno kiripi gi Ker pa Were.”

Kony aŋo ma dhano onwaŋ ka oloki piny gipi apere to rwenyo kosa bolo woko kwo pere won?

Ŋata wiye kwot kodan gi wac paran, Wod Dhano bende wiye bino kwot kodi go k'odwoko i dwoŋ pere kodi i dwoŋ pa Bamere kodi apa jomalaika maleŋ.

Yesu odwoko ni, “Kibwe jonitie gi kero pajo, aka winyin ma malo bende jonitie gi od gin, to Wod Dhano ongoye kodi ka theno wiye.”

Aka owaco rijo ni, “Ŋata jolo nyathi me i nyingan meno jolan; aka ŋata jolan, meno jolo ŋat'ooran; kole ŋat'oasa thin i dier win meno a ŋatadwoŋ loyo.”