Versets bíblics populars de Khuurakikha 17

Comparteix

Khu mbuka isi Iburamu oolesela kimiiko kamakhumi syeenda na syeenda (99) kye buukhulu, Umukasya waabonekhela Iburamu, waamulomela ari, “Ise ndi Wele umunyali wa byoosi. Ingana iwe ukyeendatsakile mu ntsila tsase naluundi ingana ukholatsake bye bukwalaafu.

Lisiina lyoowo singene libe Iburamu luundi ta, ne kane ulaangibwatsake Iburayimu, lwekhuuba naakhwikyelisile iwe khuuba paapa we kamanaambo kamakali kameene.

Ise kane iniinde shisuubiso she ndakaano yase isi ikholile ni nawe, atweela ni babetsukhulu boowo babaaliilawo lwanyuma lwoowo, biilo ni biilo bibiitsa mu moni. Ise kane imbaatsake Wele woowo, luundi Wele we babetsukhulu boowo.

“Yino niyo indakaano yase ni nawe: Ikhusuubisa ndi iweewe utsya khuuba paapa we kamanaambo kamakali kameene.

Ne Wele naye waamwiilamwo ari, “Taawe! Umukyelama woowo Sara, alikhusaalila umwaana umusiinde. Ni nawe ulimutwiikha lisiina uri Isaaka. Ise indiŋaŋasa indakaano yase ni naye atweela ni babetsukhulu beewe, khuuba indakaano iye biilo ni biilo.

Ise ikhaakhuwe iwe ni nabo liiswa lyoosi mweesi iwe aluno uli khuumenyamwo nga umukyeendaani busa. Ikhaakabile liiswa ilyo lya Kanaani lyoosi isi babetsukhulu boowo, khuuba lilyaabwe biilo ni biilo, ni nase kane imbatsake Wele waabwe.”

Lweesho Iburayimu weenamisa kumurwe kweewe aasi khwiloba, ne waaba nga ambaasa mu mwoyo kweewe, nga atsekha busa ari, “Muundu shiina unyala waasaala umwaana nga woolisile kimiiko shitoondo shitweela (100) kye buukhulu? Ni Sara naye ari woolisile kimiiko kamakhumi syeenda kimibuufu (90), ilala anyala wasaala umwaana?”

Wele waalomela luundi Iburayimu ari, “Lisiina ly'omukyelama woowo s'ulimulaanga luundi ari Sarayi ta, ne kane umulaangatsake uri Sara.

Muli ni khukhwiinjila imbalu, lwekhuuba niyo ikane ibe khaabonelo khe ndakaano ikholibwile akari owo ni nase.

Ne indakaano yase indi khuukiŋaŋasa ni Isaaka, isi Sara alikhusaalila iwe, mu mbuka nga yino, kumwiiko kukwiitsa.”

Khukhwaama aluno ari khukhwoola mu miboolo kyoowo kikiitsa iburaangisi, buli uwesaani yeesi, usaalikhana muungo mwoowo, nga woolisile biifukhu shinaane bye buukhulu, aakha khuukhebebwa imbalu, namwe umuundu yeesi isi muba nga mwaakulile busa ni tsinusu khuumenya muungo mweenywe, naye aakha khuukhebebwa imbalu. Umuundu yeesi, oba waasaalikhiile muungo mwoowo, oba nga mwaamukulile busa ni tsinusu, aakha khuukhebebwa imbalu. Khano kane khabe khaabonelo khe khu ngaaki khakhabonekha, khakhokyesanisa indakaano yase iye biilo ni biilo.